Ms. Eco International 2024: First runner-up ang pambato sa Pilipinas
CEBU, Philippines — Ang representante sa Pilipinas ng si Chantal Elise Schmidt maoy first runner-up sa grand coronation night sa Miss Eco International 2024 nga gipahigayon sa Cairo, Egypt kagahapon .
Nakadaog pud si Chantal sa National Costume competition ug naangkon usab niini ang award nga Best Evening Gown. Nilangkat sa titulo nga Miss Eco International mao ang pambato sa Ukraine nga si Angelina Usanova .
Napili nga second runner-up si Nikita Dani sa Canda; third runner-up pud si Fabiane Alcarde Goia sa Brazil; ug fourth runner-up si Valerie Avril sa Indonesia.
Sa kasaysayan sa maong indigay , duha na ka mga Pinay ang nakoronohan isip Miss Eco International ug kini mao sila si Cynthia Thomalla niadtong 2018 ug Kathleen Paton niadtong 2022.
“Queen of Tears” milangkat og taas nga rating
Gikagobtan ang finale episode sa K-drama series nga “Queen of Tears” niadtong Domingo ug nag- trending kini sa social media.
Suma pa sa Nielsen Korea, ang episode 16 sa “Queen of Tears” kay nakalangkat og rating nga 24.850%, busa nalabwan niini ang record kaniadto sa “Crash Landing on You” nga nakakuha og 21.683% niadtong Pebrero 2020. Ang maong hit K-Drama series kay kasamtangang Top 1 TV show sa Netflix Philippines’ chart .
Ang “Queen of Tears” kay gibidahan nila ni Kim Soo Hyun ug Kim Ji Won.
ZEROBASEONE motikang sa nasud
Nagmaya ang Pinoy fans sa K-pop boy group nga ZEROBASEONE human niulbo ang taho nga motikang dinhi sa Pilipinas ang ilang idolo.
Gikatakdang mag-konsyerto ang maong grupo dinhi nasud karong October 12, 2024 sa Mall of Asia Arena.
Gipasikat sa maong grupo ang "In Bloom"," Yura Yura ", "Crush " ug "Our Season ".
Pahiyom ra ang gitubag
Bisan unsaon og pangutana , dili gyud modretso og tubag si Paulo Avelino sa kasamtangan niya nga relationship status.
Usa kini sa mga gihisgotan sa dihang nilugwa ang aktor sa latest vlog ni Luis Manzano .
Nipahiyom lang si Paulo sa dihang gipangutana siya ni Luis kun duna ba siya'y gipangulitawhan karon.
Una na nga nitumaw ang chismis nga duna sila'y tinagoang relasyon sa aktres nga si Kim Chiu.
Top 12 artists The Voice
Hingpit na nga naporma sa niaging gabii ang opisyal nga Top 12 artists nga makapadayon sa "The Voice Teens Philippines" season 3 ug nalakip sa Team Supreme ni KZ Tandingan mao sila si Bianca Ilagan, Hargie Valirose Ganza, Yen Victoria, ug Pia Carandang.
Samtang ang Kamp Kawayan ni Bamboo kay gilangkoban nila ni Antonette Sison, Jillian Pamat, Maelynn Rapista, ug Nicole Olivo .
Ang grupo ni Martin Nievera kay gibitoonan nila ni Colline Salazar, Wendy Figura, Steph Lacuata, ug Sofie Pangilinan.
Secret Ingredient
Nikuha gyud og short cooking course si Julia Barretto ug mao kini ang rason nga tulin ang pagkadala niya sa iyang karakter isip Chef Maya sa Viu series nga Secret Ingredient. Ang South Korean star nga si Lee Sang-heon ug ang Indonesian actor ug film producer nga si Nicholas Saputra ang kauban ni Julia sa maong international series. Makita na kini sa Viu sugod karong adlawa.
Nagkalawom ang relasyon
Usa sa mga nauyonan ni Marco Gallo ngadto kang Heaven Peralejo mao ang pagka-mapinanggaon niini. Taod-taod na nga gidungog nga dunay relasyon ang duha. Ubay-ubay napud ka mga proyekto nga ilang giparesan.
Mirampa sa Bangkok
Nilarga sa niaging adlaw si Patricia Javier ug iyang pamilya sa Bangkok, Thailand. Nalakip ang iyang mga anak nga sila si Ryan ug Robert sa Bangkok Kids International Fashion Week .Suportado ni Patricia ug ang iyang bana nga si Dr. Rob Walcher ang modelling career sa ilang mga anak.
- Latest