Mora'g naglikay'g gubot
Gitanyagan diay sila si Pia Guanio ug Sam YG aron mamahimong host sa bag-ong Eat Bulaga, apan puros sila nibalibad. Kanhi nalakip sa maong noontime show ang duruha kaniadto isip co-hosts. Tsika sa PEP, nibalibad si Pia kay gawas nga priority niya ang iyang pamilya, aduna sab siyay morning show sa Net 25, ang Kada Umaga, nga ibalhin na matud pa sa 10am timeslot. Si Sam YG, gihimong rason ang iyang radio show sa dili na niya pagbalik sa EB.
Pag-nameplate mo
Trending ang tweet ni Senator JV Ejercito niadtong Lunes. Sigon sa gimantala sa LatestChika.com, nipadayag ang senador nga morag kinahanglan magnameplate ang ubang talents karon sa Eat Bulaga aron mailhan. Niingon sab siya nga malisud gyud atbangan ang TVJ nga original main hosts sa maong noontime show. "Mahirap ata tapatan ang TVJ, Alan K., Pao, Jose & Wally etc..." padayon niyang tweet. "Eat Bulaga is really TVJ."
Laay gihapon..
Samtang nilugwa si Miss Universe Philippines 2023 Michelle Dee kagahapon sa Eat Bulaga isip guest co-host. Apan tsika sa netizens, bisan pa og ihan-ok tanang beauty-queen sa maong show, laay gihapon. May mga nipadayag pa og kabalaka nga basin ma bash na hinuon og samot si Michelle sa iyang paglugwa sa maong show kay init pa kaayo ang mga tawo batok sa TAPE Inc. Pero may niingon sab nga dili matud pa angay apilon ang mga talents sa maong show gumikan kay wala silay labot sa gubot.
Swimsuit pa more!
Nagbakasyon karon sa usa ka isla si kapuso star Beauty Gonzales ug ang iyang pamilya. Ug niya pa, ang nakanindot kun magbakasyon sa isla mao nga mahimo ra gyud nga mag-swimsuit tibuok adlaw ug walay mobuyag nimo.
- Latest
