Laay, OA, TH...

Hingpit na nga nibalik ang Eat Bulaga kagahapon sa GMA7 diin bag-o na ang ilang hosts.

Kini naglangkob nila ni Paolo Contis, Betong Sumaya, Buboy Villar, Alexa Miro, Kokoy De Santos, ug Mavy ug Cassy Legazpi.

Nilugwa sab ang mga sakop sa girl-group nga XoXo nga sila si Dani Ozaraga, Mel Caliuag, ug Lyra Micolob.

Apan kun basihan ang reaksyon sa netizens, palpak ang pagbalik live sa nahisgutan nga noontime show sanglit kasagaran sa mga nitan-aw wala nakauyon sa ilang nakita.

May mga niingon nga laay ang show, alingasa ang hosts ug gubot. May niingon sab nga trying hard ang hosts nga daw nagsyagit gikan sa pagsugod hangtud sa paghuman.

May netizens sab nga niingon nga mora ra og All Out Sunday ang Eat Bulaga kagahapon kay daghang kanta ug sayaw.

Aduna say niingon nga mora'g Bubble Gang noontime edition.

May nikomedya pa nga nagpasalamat sa Eat Bulaga kay ilang silingan nga bakol nakalakaw na gyud aron pawngon ang ilang television set.

Adunay netizen nga nag-thank you kay gumikan matud pa sa ka walay lami sa Eat Bulaga, dili na siya magpunay og balhin-balhin og channel sanglit It's Showtime na lang gyud ang ilang tan-awon.

May nikomedya sab nga gumikan kay laay ug OA ang Eat Bulaga, makamenos na sila sa ilang electric bill gumikan kay dili na sila motan-aw og tv sa udto hangtud nga dili pa mobalik ang TVJ o sila si Tito, Vic, ug Joey sa lain na nga channel.

Samtang niadtong Domingo, niingon si Joey de Leon nga wala matud pa sila ni-sign off, kundili nag-day off lang.

Buot pasabot, mobalik ra gyud sila sa telebisyon sa wala pa matino nga channel.

“Anakan mo ako”

Gibutyag ni Congressman Richard Gomez sa vlog interview ni Bea Alonzo nga may katrabaho siya kaniadto nga nihangyo gyud nga pa-angkan siya niini.

“There’s one that’s really significant na hindi ko makalimutan, taga-showbiz din, supporting actress…Sabi niya, ‘Anakan mo naman ako.’”

Nakugang matud pa si Goma niini. “Sabi ko, ‘Ano?!’" Namugos gyud ang aktres, "Anakan mo naman ako.”

Pero gipangutana niya ngano, igo ra kining niingon nga ganahan lang gyud siya.

Apan niya pa ngadtong Bea, wala nahitabo nga nagselos ang iyang asawa nga si Ormoc City Mayor Lucy Torres sa iyang ma katrabaho sanglit isulti matud pa niya ang tanan nga detalye kabahin sa iyang leading ladies.

Ug buotan sab gyud kaayo ang iyang asawa. Twenty-five years na silang magtiayon.