Helmet

Nahimong trending ang confrontation nga nahitabo tali sa managtiayon ingon man ang gituohang kabit niini.

Sa maong panaglalis, nakita sa kadaghanan nga nihagtok ang helmet ngadto sa gituohang kabit ug nadungog ang mga pulong sama sa: “Simbako ka!

Dili Uy! Wa ko kaila sa imong bana! Kinsa man na siya?! Nangayo raman siya og advice nako!” ug uban pang mga pulong.

Hinuon nikatap man sa social media ang screen shots sa ilang convo. Kalasa og Gcash tong bayhana matud pa sa komentaryo sa usa. Kataw-anan apan tinuod kining hitaboa.

Usa sa mga dinagkong isyu alang sa mga magtiayon ning panahona. Apan pasidaan kini alang sa tanang mga magtiayon bisan asa.

Angayang hinumdoman kining mosunod:

1. Kontento sa bana o asawa ug dili matawag nga excuse ang mga panag-away aron mohimo og pagluib sa imong kapikas sa kinabuhi.

2. Hustong pagtagad sa imong bana o asawa aron dili kini makahunahuna og dili maayo. Hinuon dili kini garantiya nga mahimong magluib ang usa ka tawo kay matud pa: “A cheater is always a cheater!”

3. Pag-ampo. Kini tungod kay ning mga panahona, ang gitay-og pag-ayo sa gahom sa kangitngit mao man ang pamilya ingon nga sukaranan sa atong katilingban. Kun unsay mahitabo sa pamilya mao usab kini ang mahitabo sa atong katilingban. The Family that prays together stays together

4. Paglikay sa mga kahigayonan. Prevention is better than cure matud pa.

5. Kuyog kanunay sa imong Banay. Ning paagiha malikayan nimo ang kahigayonan nga masipyat. Palig-onon ang relasyon sa imong kapikas sa kinabuhi