10 pinaka-nakamamatay na sakit sa Pilipinas

ITO ang sampung pinaka-nakamamatay na sakit nu’ng 2025, anang Philippine Statistics Authority:

(1) Ischemic Heart Diseases - Nagbabara ang plaque sa arteries. Nagkukulang ang dugo at oxygen patungo sa puso. Sumasakit ang dibdib, inaatake at sumasablay ang puso.

(2) Neoplasm – Abnormal ang paglaki ng cells. Nagkaka-tumor na humahadlang sa pagdami ng cells.

(3) Cerebrovascular Diseases – Stroke dahil barado at pumuputok ang daluyan ng dugo sa utak.

(4) Pneumonia – Impektado ang baga ng bacteria, virus, o fungi. Napupuno ng fluids ang baga. Pakiramdam ay parang nalulunod. Peligroso sa mga bata at matatanda.

(5) Diabetes Mellitus – Paulit-ulit, palala nang palala na kakulangan ng katawan ng insulin. Tumataas masyado ang lebel ng sugar. Nakakasira ng puso, kidney, mata, at nerves.

(6) Hypertensive diseases – Paulit-ulit na high blood pressure. Nagpapahirap sa puso at daluyan ng dugo. Nauuwi sa heart attack, stroke, kidney failure, at iba pang komplikasyon.

(7) Chronic lower respiratory diseases - Matagalang sakit sa baga tulad ng chronic obstructive pulmonary ­disease o COPD, emphysema, at chronic bronchitis. Malimit dahil sa paninigarilyo at maruming hangin. Tianatamaan ang mga traffic aids, street sweepers, tsuper ng jeep.

(8) Respitarory Tuberculosis – Impeksyon ng bacteria sa baga. Inaatake rin ang ibang organs.

(9) Iba pang heart diseases – Bumibigay ang puso dahil sa arrhythmia o kaya sa iregular na tibok ng puso, at humihinto ang pagtibok nang ilang segundo. Lunas ay magpakabit ng pacemaker.

(10) Sakit ng kidneys at urinary organs – Matagalang sakit sa bato dahil sa diabetes, hypertension, o iba pang sakit.