Dili hitupngan ang gugma sa ginikanan ngadto sa iyang anak. Apan kining maong gugma usahay kondili madisiplina makahatag og suliran sa umaabot.
Kini tungod kay ang maong anak wala pahimatngoni nga diha sa kinabuhi anaa ang pagsulay ingon man kasakit. Mao nga panahon sa kagul-anan ug kapakyasan modangop gilayon sa giisip nga short cut lakip na niini ang pagdangop sa kakawangan.
Sama sa maong batan-on nga nidangop sa dautang balansayon sa witchcraft aron siya makalingkawas sa kagul-anan ug depresyon nga iyang nahiagoman.
Ug tungod niini gikinahanglan nga siya I exorcize nga nipakita naman siya sa mga early signs of demonic possession. Bangis man tuod ang maong batan-on apan dili mahitabo nga magmadaugon siya batok sa gahom sa Dios.
Kalipay nako ingon nga anaa sa Ministry of Liberation nga makakita sa mga tawo nga nakalingkawas sa ilang mga mapait nga kahimtang.
Ang maong batan-on nga nagpadayag sa usa ka masilagong pagtutok ngari Kanako ang iyang mga sikad nga nahimong pakyas kay siya ginapos ang nakapahigmata Kanako nga dili gyud diay maayo nga mokumpiyansa kay bisan gani ang tam-is nga pahiyom mahimong mailisan ug usa ka mapintas nga singgit sa pamalikas.
Apan gikinahanglan nga magmakanunayon kita sa pagmahal, pagtuo, ug paglaum. Ning paagiha, mababagan ang demonyo sa paghasi sa atong personal nga kinabuhi.