Mga sugyot kalabot sa Life in the Spirit Seminar (LSS)

Matud ni Fr. Nonette Legaspi

1. Paghimo og Bag-ong Manual Kalabot sa LSS. Bisan pa may kun dunay Nihil Obstat ug Imprimatur apan kun atong tan-awon kulang sa Catholic Content. Unta ang matag manual magasukad diha sa Batakang Katesismo sa Simbahang Katoliko (Catechism of the Catholic Church ug uban pang doctrinal nga tinubdan, Balaang Kasulatan.)

Tinuod man nga dunay nindot nga bunga ang Charismatic Movements apan paglabay sa mga panahon napamatud-an gyud nga ang kahoy maila pinaagi sa iyang bunga. (Mt. 7;20). Gikan sa CCRM kun Catholic Charismatic Renewal Movement nahimugso ang mga nagkadaiyang mga Communities gumikan sa mga pagsiak siak niini.

2. Dili lang gyud mohatag og igong gibug-aton sa Baptism of the Holy Spirit nga maoy gihimong mahinungdanong bahin sa matag Life in the Spirit Seminars. Gipahimug-atan ang Gift of Tongues nga kinahanglang madawat diha sa Baptism of the Holy Spirit.

Usa ka paagi diin atong gipakagamay ang Sakramento sa Bunyag nga nadawat sa kadaghanan nato niadtong mga bata pa kita. Mogawas nga pinaagi sa Gift of Tongue dunay espesyal ug personal nga Gasa gikan sa Espiritu Santo ang maong gahom sa Gift of Tongue ngadto sa indibidwal nga nitambong sa maong Life in the Spirit Seminar.

Ang Baptism of the Holy Spirit dili pud usa ka Renewal of Baptismal Promises. Ato kining gibuhat matag Vigil Mass sa Sabado Santo. Kun buot natong mas masabtan sa mga partisipante ang atong kinaiya ingon nga Katolikong Simbahan dili nato sagolan ang atong pagtulon-an og mga Protestanteng pagtulon-an aron dili mahiloan ang mga hunahuna sa atong mga kaigsuonang Katoliko.

3.  Likayan nato ang Dili Makiangayong Atensiyon diha sa Pagpangayo ug Pag-Peke sa mga Dili Kasarangang mga Grasya. kay ang maong tinguha dili makatabang diha sa atong espirituhanong paghamtong. (Sumpayan)