Asa dili obligado mogamit sa apelyido sa bana
Dear Atty. Divine,
Minyo ko sud na sa duha ka tuig ug naa mi usa ka anak. Ang akong bana tua nagtrabaho sa gawas. Gusto sa akong bana kuhaan og passport ang akong anak aron daw makasuroy mi sa gawas uban niya. Gusto sab niya nga ipausab ang akong apelyido sa akong passport apan nakuha ko ni before mi gikasal unya 10 years ang validity sa akong passport. Ang akong pangutana kun dapat ba gyud nakong ipausab ang akong apelyido sa passport? Obligado ba ko nga mogamit sa apelyido sa akong bana? Daghang salamat.
Charmaine,
* * *
Dear Charmaine,
Basi sa Art. 370 sa atong New Civil Code, dili obligado ang usa ka minyo nga babaye nga mogamit sa surname sa iyang bana. Gihatagan siya ug option sa maong balaod sa paggamit sa iyang naandan nga apelyido sa pagkadalaga o sa paggamit sa surname sa iyang bana. B
usa kun 10 years pa ang validity sa imong passport okay ra kun ang imo unang naandan nga apelyido ang imong gamiton ug ini’g expire niini naa kay option nga mo-renew sa imong passport, gamit na ang apelyido sa imong bana. Thank you and God bless.
Atty. Divine
* * *
Alang sa inyong pangutana, palihug lang sa pag email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
