Malisod ang pagpabalik sa kainit

Matud pa kun moawop na ang kadasig unsaon man pagpukaw niini?

Unsaon man pagpabalik sa kadasig kalabot sa mga butang diosnon kun sa hinay hinay nga paagi gipaningkamotan ang pagluya og samot sa usa ka tawo o  institusyon nga hagbay rang nagluya.

Ang simbahan ning mga panahona ang por lo menos naningkamot ug nanlimbasog aron mamahimo siyang mahinungdanon karong mga panahona.

Unsa kha ang rason niini? Dili ba kaha tungod kay ang kadaghanan sa katawhan karon ang nahimong wala na madasig sa Pulong sa Dios?

Tingali ang pagsaksi kalabot niini nahimong lugak ra ug hallayo sa kamatuoran. Mao ni ang hinungdan kun nganong walay igong ngipon ang bisan unsang pagtulon-an kun ugaling kini dili pagapuy-an.

Nahimong double standard ang tanan alang kanato. Tingali kaha tungod sa tinguha nga mo survive ug molahutay kinahanglang awaton kun unsa ang trend ning panahona aron lamang mabuhi ug makaatubang sa daghanang mga pagsulay.

Kini ang buhing matuod ug ning maong kamatuoran nahimong daw makapaluya og samot kay bisan gani ang mga naandang ritwal dili naman kaayo makahuloganon alang kanato.

Daghan tuod kita og mga panlantaw apan ning maong panlantaw usahay mahimong ipahimugso ang kagubot ug kalibog. Nahanaw ang piety nahulipan kini og indifference.

Buot natong sudlan ang nagkadaiyang dalan ug  kalhukan tungud ug alang sa gitawag natong encounter kun panagtagbo ingon nga kabahin sa rekisitos aron pagatawgon kitang mga kristiyano.

Apan atong dawaton ang buhing kamatuoran nga daghanan kanato karon ang nangaluya. Ug sa maong pangaluya bugtong pag-ampo.

Ang pag-ampo bisan pa man kun wala kitay dakong panginahanglan.

Nindot man nga duna kitay mahimo apan sa laing bahin mas mahinungdanon nga diha sa atong kakapoy gumikan sa pakigbisog kinahanglan nga kita mopahuway.