Kinsay maka inherit sa asawa sa langyaw nga namatay?

Dear Atty. Divine,

Ang akong wife dunay igsoon nga babaye nga nakapalit og yuta. Naminyo siya og foreigner pero ang kuwarta nga gigamit sa pagpalit iyang kaugalingon nga kwarta mao nga nakapangalan kaniya ang titulo. Apan namatay siya ug wala silay anak sa foreigner.  Ang foreigner kay tua ra sa abroad ug duna na poy lain nga asawa. Kinsa man ang legal heirs sa maong yuta? Patay na ang akong mga parents in law. Pero duna pay mga igsoon ang namatay nga igsoon sa akong wife nga buhi. Patay na usab ang usa ka igsoon sa akong wife pero dunay mga anak. Makapanunod ba sa yuta ang mga anak? Daghan kaayong salamat sa pagtubag niining akong mga pangutana. More power to you and God bless! — YW

Dear YW,

Ang usa ka foreigner dili makapanag-iya og yuta sa Pilipinas gawas lang kun kini iyang na-inherit. Buot ipasabot nga kun gustong mo claim ang bana nga langyaw sa igsuon sa imong asawa nga namatay, mamahimo kini niyang buhaton. Apan basi sa imong estorya nga atua ra sa abroad ang bana ug naminyo na og lain, posible nga dili na kini interesado pa sa property. Kay patay na man ang mga ginikanan sa igsuon sa imong asawa then ang maka inherit kaniya mao kadtong iyang mga igsuon lakip na ang imong asawa ang maka inherit niini. Kun ang ubang igsuon patay na apan adunay mga anak, mamahimong maka inherit ang mga anak isip representatnte sa share sa ilang ginikanan nga namatay kana kun unang namatay ang asawa sa langyaw kay sa igsuon. Kini tungod kay ang pag-inherit moepekto lang kun patay na ang tag-iya sa property. Buot ipasabot nga kun uwahing namatay ang asawa sa foreigner then dili maka inherit sa share ang mga heirs sa mga igsuon nga unang namatay. Thank you and God bless. — Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.