“Why I did choose to stay in the Philippines”

Ulohan kini sa article sa usa ka langyaw'ng business executive nga giganahan kaayo pagpuyo dinhi sa atong nasud. Giganahan siya sa katahom sa atong nasud ug sa katawhan mismo, sa atong pagkama-abi-abihon, ug sa atong kultura. This is something we can be proud of. Kitang mga senior citizens saksi niini.

Dugay na kining maong clipping, sinuwat sa usa ka Howard Belton, former president sa Unilever Philippines. Nasuwat kini panahon pa ni PGMA, napatik sa usa ka nasudong mantalaan.       

Ania, “It has been almost 10 years since Cristina (iyang asawa) and I arrived in Manila. In Uniliver, I found a spirit of family way above that in other places, and this wonderful family took us to their hearts and make my business career a joy.”  

Tan-awa, dili hilapon ang imong atay niining iyang gipamahayag nga puno sa pagdayeg kanato, nga ang iyang trabaho ug negosyo napuno sa kalipay. Ang nature sa atong familya dinhi, wala niya igkita didto sa ubang mga dapit.

Tinuod, kay kon maghisgot kita’g Filipino family, naglangkob kini hapit usa ka barangay. Mga anak, mga in-laws, mga ugangan ug umagad, mga apo ug apohan, usahay lakip ang mga apo sa tuhod. Alegre ang banay nga Pilipinhon.

Wala kini sa ubang mga nasud. Sa atong makita sa mga Western movies, sa America, pananglitan, ang ilang family didto is only composed of the husband, the wife, ug ang below-18 years old nga unmarried children.

Dinhi sa ato, nakamatikod ba kamo nga hapit mapuno ang terminal sa airport sa higyon nga dunay magpagikan sa usa ka sakop sa banay nga uma-abroad? Didto sa America, sa ato na usab makita sa mga movies, kon molarga ang asawa, walay magpagikan kaniya tungod diborsiyado ug ang mga anak nagkatibulaag na, ug wala siyay maisip nga sakop sa banay.

Anyway, sa atong giingon sa unahan, impressed kaayo si Belton ug iyang asawa, sa ka-suod sa mga banay sa ilang mga empleyado, diin ang mga empleyado mismo andam sa pag-adapt sa mga kausaban (changes) nga himuon, ug mo-‘imbento og bag-ong mga paagi sa panarbaho (innovations) aron makab-ot ang gikinahanglang quality sa mga produkto.

Gumikan niining maong mga innovations, matud ni Belton: “The Rexona ministick invented here, is now imported to 20 countries. Close up “Lovapalooza,” not only got into the Guinness book of records but was featured on CNN, BBC and many other news channels.

“I could give many other examples of the creativity of our Filipino employees. These innovations have made Unilever Philippines famous and admired in the Unilever world.”  

Ngilngiga nato no? Maayo ra gyud nga na-clipped kini nako nga article. Sa title lang daan,  magamit kaayo ni nato sa atong kampanya pagdani sa mga langyawng turista pag-anhi sa atong nasud.

Si Belton ug ang iyang asawa, na-involved usab in community work, diin nakadawat siya’g award, ang Order of Golden Heart, gikan ni PGMA.

“So, for Cristina and I, it has become natural to stay here. We stay to enjoy the Philippines in all its variety, to share our lives with our Filipino friends,” nagkanayon si Belton.