Panaw katawhan sa Dios sa dalang gilaktan ni Jesus

Programang Pastoral sa Parokya  ni San Jose Madridejos, Alegria Cebu

B. PAGAHIMOON PA

1. PRESENSIYA SA KURA pinaagi ning mosunod nga kahigayonan (Kun makahimo)

a.  Rito sa Pagsayud sa mga Minyoonon

b.  Responso sa Namatyan

c.  Duaw sa Masakiton matag Lunes sa Buntag kuyog sa mga Lay Ministers nga Gitahasan.

d.  Birthdays, invitations (Kun makahimo)

2.  PAKIGHIUSA

a.  Sa Bahin sa Padre Kura

Ang pagtangtang sa Stipend/arancel sa mga Sakramento sama sa Bunyag apan mohatag ang hingtungdan og donasyon segun sa iyang kabubut-on alang sa panginahanglan sa Parokya.

b.  Sa Bahin Parokyano

Love Offering katungdanan sa parokyano ang pagsuporta sa ilang kura maingon nga katungdanan sa kura ang pag-alagad sa mga parokyano. Mohatag siya binulan nga gasa alang sa Parokya mahimong kantidad o in kind. Kun usa ka lata sa sardinas mao ra ang iyang mahimo dawaton kini sa tumang kalipay. Kun 20 pesos rai yang maabot nan, mapasalamaton gihapon kita niini. Atong hinumdoman walay dato nga wala magkinahanglan ug walay kabus nga walay ikahatag. Ang hingtungdan mismo maoy mohatod niini sa opisina sa Parokya alang sa imbentaryo. Ang mga kolekta sa tanang mga misa maoy kuhaan sa mga remittances ug uban pang mga galastohan.

c.  Special Masses , Baptisms. Padayon nga dunay stipend kini tungod kay gipili man sa hingtungdan.

d. House Blessing. Love Offering segun sa kabubut-on sa hingtungdan.

e.  Bunyag kada Dominggo.  Donasyon lang with free 1 sponsor apan kun pun-an mo additional og 50 pesos per sponsor. Makatarunganon ra sab kini nga hatagan.

f.  Mission Appeal. Dunay slot ihatag kang bisan kinsang parokyano nga dunay sakop sa pamilya nga nasakit og grabeng sakit ang mohimo og mission appeal sa matag unang dominggo nga mga misa. Kolektahon kini sa CARITAS dayon ihatag diha diha sa hingtungdan pangayoon lamang ang resibo sa nagasto ug tipigan sa CARITAS.

Note: Kining maong pamaagi gigambalay alang sa kaalagaran labina gyud sa mas nagkinahanglan nga sakop sa atong Parokya. Usa kini ka risgo apan risgo nga worth taking pud. Unta mobulig ang tanan niini.

PAGPANGINLABOT/PARTICIPATION

1. Pagdasig sa matag komitiba nga maoy molihok sa mga han-ay. Sama pananglit ning mosunod:

a. Paghan-ay sa mga pamilya nga duawon sa pari

b. Pag-andam sa mga kalihukang liturhikal

c. Pagpahigayon sa pag ebanghelyo pinaagi sa mga hamubong pakigpulong sa mga kapilya ug mga tunghaan.

d. Paghimo sa kasaulogan sa Pulong.

e. Pagdasig sa matag parokyano nga mohimo sa ilang tahas segun sa ilang katakus.

PANGAMUYO /PAGSAULOG

Umanhi ka O Espiritu Santo

Pun-a sa kalayo sa imong Gugma

Ang mga kasingkasing sa Imong mga Alagad

Ipadala ang imong Espiritu

Ug mamugna sila ug bag-ohon mo