“Money has no power of its own”

Gikan sa karaan natong mga clippings (ambot unsa ning mga tuiga), si Wilson Lee Flores, sa iyang column miingon nga ang kwarta walay kaugalingong gahom. Mao ba?

Ato kining gihisgutan dinhi tungod kay alang kanatong mga senior citizens, ilabina kadtong wala magdawatan og pension, daku natong problema ang kwarta.

Hinuon, kadtong daghan og kwarta, problema usab tungod kay, generally, naputos ug usab sila sa mga dagkong utang. Daghang kwartahan ang nabangkarota, ug subsequently, nawad-an usab og kahigalaan.

Padayon ni Flores: “Money is a vital force in our life and you can make it grow, but it is not your life force. Money is not a true measurement of personal power, and our true worth as a human being is not defined by money.“ Tinuod, di ba?

Daghan kaayong dili kwartahan, apan, gitamod sa katilingban, ug ang iyang personal nga gahom wala makagikan sa salapi. Sa ato pa ang salapi dili gayud maoy naghatag kanato’g kinabuhi.

Nia pa: “Truth creates money; lies destroy it. Be honest with others and with yourselves; do not let falsehood or outward appearances ruin you financially. Do not let money be a badge of your identity or measure of your self-worth.” Tinuod sad, di ba?

Unya: “Look at what you have; not what you had. “ Kon unsay anaa kanimo karon, enjoy it, treasure it. Ang diha kanimo kagahapon, kalimti na. Ayaw itandi ang imong kahimtang karon ug sa kagahapon ug sa nangaging katuigan. “The past has no power over you, unless you give it power. You should not live in the past but wake up to the realities of the present in order to create a new and better future.”

Una sa tanan, buhata ang matarong ug angay buhaton nga makaayo kanimo, sa dili pa ikaw manumbaling sa imong kwarta. ”Money should contribute to your good health and peace of mind, and not to anxieties and ill health.” Dihay usa ka higayon, nagdala ko’g P500, ambot diin to nako. Padulong ako sa simbahan ug during sa sermon, migula ko ug akong gisusi kon diha pa ba ang kwarta sulod sa awto. Wa man gyud ko mahimutang, akong gidala ang kwarta sulod sa simbahan.  Kabalaka gumikan sa gamay nga kwarta.

“The goal of having money is not wealth or money per se (hinuon magamit kaayo panahon sa eleksiyon) but security, more freedom, and having control over own lives.”

Unsaon, nga sama sa nahitabo kanako, wala man hinuon ko ma-secure nga nagdala ko’g kwarta (bisa’g dili ako), ug nawad-an ko’g kagawasan tungod kay ang kwarta maoy naghari sa akong hunahuna, ug wala Santos nga Misa. Niay akong note mahitungod sa kwarta, ambot diin ni nako mabasahi, nag-asoy unsay dangatan sa kwarta (pinaspasan o hinaguan): “Money earns it, spendthrifts burn it. Bankers lend it, women spend it (ang tanan pagpa-gwapa). Forgers fake it, taxes take it. Dying leave it, heirs receive it. Thrifty save it, misers crave it. Robbers seize it, rich increase it.”

So, mao nay mahitabo sa kwarta. Sa kaulahian, it seems nga dili gayud kita makapahimulos niini in full.