99 na apan di gusting moundang pagtrabaho

Di lang ta maghisgot og ngalan dinhi, after all ang mahinungdanon dili man ang ngalan sa tawo, kundili ang iyang obsession o ruling passion pagpadayon sa iyang trabaho, despite sa iyang edad.

Sa ato pa, di pa gustong mopahuway. Wa man sad ta makaila kaniya.

Niay pangutana: Can work help us all live longer? Makapataas ba sa atong kinabuhi ang pagtrabaho?

Duna koy nabasahan nga nag-aghat kanato, to keep always busy, to be active even for thirty minutes a day.

Maghisgot ta’g trabaho dinhi, dili bug-at nga trabaho, sama sa pagmasa og semento o pagpamanday. Mga trabaho nga dili stressful. Kanang mga household chores, maisip man kini nga trabaho, apan, gaan, dili stressful.

Sa atong mga panimalay, inyo tingaling namatikdan nga ang mga katabang mas healthy kay sa mga agalon, tungod  kay sila may naglihok kanunay, utan pa ang pagkaon, samtang ang mga agalon (ilabina na ang mga tapulan), magpasinaw lang sa mga lingkoranan ug higdaanan, dili mokaon og utan, humba gyud ug beef nga adobo.

Anyway, kining atong gihisgutan dinhi, usa ka cinema producer, writer, ug director sa mga English movies. Sa ato pa, ngilngig og abilidad. Ang utok maoy kanunay nga naglihok. Dili kini sayon nga trabaho. Ma-stress ka usahay. 

Apan, giingon dinhi nga ang iyang attitude toward stress maoy usa sa mga hinungdan nga nadugay siya sa iyang trabaho. Sa ato pa, despite sa stress, enjoy kaayo siya sa iyang trabaho. Mao ni ang giingon nga love your work.

Sa sayong pagsaulog sa adlaw niyang natawhan, pagka-100 na, iyang gibutyag, atubangan sa daghang nanambong sa selebrasyon ang sekreto sa iyang pangidaron: “love of his family, laughter and a life of invigorating work.”

Simple ra kaayo ang iyang sekreto: gugma sa iyang familia, katawa, ug makalingaw, ug refreshing nga trabaho.

Matud pa, maoy iyang gusto inigmata niya mabuntag, maghunahuna na siya unsay iyang buhaton. Sulod sa dugay nang katuigan, nag-produce ug nag-direct siya ug popular nga lilas ug TV series ug nakadawat siya’g daghang mga award ug pasidungog.

Sa mga tuig 1990s, samtang ang iyang mga ka-edad (95 years old), nagpahulay na, nagpahayahay na lang, nagpadayon pa siya sa iyang trabaho.

Adunay mga pagtuon nga kuno ang stress can be good for you. Mao ba? Normal kuno ang pagka-stress, mahimo gani kuno nga ma-positive kini nga bahin sa atong kinabuhi. Ang atong pagka-resilient (flexible rebounding, rapidly recovering, maayo kaayo kitang mga Pinoy niini). Hilbihan nato pagka-reailient. Ato lang kataw-an ang bisan unsa nga katalagman nga mohapak kanato. Ang resilience mo-tabon, mo-cover sa stress. 

Usa ka pagtuon nagpakita nga ang tawo nga nagsige og trabaho (sa ato pa, di magmika), lig-on ang panglawas (healthy) ug ang tawo nga healthy works longer. Apan, kinahanglan nga aduna kay control sa environment sa imong trabaho o gitrabahoan. Dinhi, ang stress mahimo nga challenging, apan satisfying.

Ma-stress kay gibuwagan ka’s imong uyab, way hinungdan ni nga matang sa stress. Sakit-sakit lang ni’s imong dughan. Kanang matang sa stress nga kon imong ma-overcome makahatag og kaayuhan sa imong well being. Ato ning padayunon sa sunod natong  lindog.