Gustong tukuran sa langyaw og balay ang iyang yuta

Dear Atty. Divine,

Naa lang koy pangutana attorney, ang akong pangan Eliza, minyo ko ug naa koy share nga yuta nga 100 square meters. Naa koy nakaila nga Australian ug gusto niya tukoran og balay ang akong share. Ang gusto niya nga mag housekeeper ko niya ug iya kong swelduhan. So, adto mi niya papuy-on sa balay nga iyang tukuron sa akong share nga property ug anha sab siya mopuyo niini. Maghimo daw mi og kontrata nga mahimo nang akoa ang balay kun mamatay na siya. Pwede ba na maam Divine? Daghang salamat. —Eliza

Dear Eliza,

Maayo man ang iyang offer but ang sunod nga pangutana kun motuman ba kaha siya sa inyong sabot. Naay ubang foreigner motukod og balay nga ilang kapuy-an apan ilang giabangan ang yuta. Contract of Lease ang pwede ninyo pirmahan but maghimo sab mo og separate nga agreement alang sa inyong mga terms and conditions sa iyang pagtukod sa balay og labot sa inyong pagpuyo. Ayaw pirma sa mga dokumento nga iyang papirmahan kun dili nimo mapa review sa abogado ug mapasabot ka kun unsay unod sa dokumento ug unsay mga consequence niini ug kun kini pabor ba kanimo. Kinahanglan sab nga notarized ang inyong pirmahan nga dokumento. Apan, kun gusto gyud ka nga motukod siya og balay sa imong yuta, then make sure nga ang tax declaration sa balay nga tukuron anaa sa imong pangan kay aron di ka maproblema sa pag-transfer niini kun siya mamatay na ug imo nang ipaapil  nga kondisyon sa inyong kasabutan nga pirmahan og panotaryuhan. Thank you and God bless. —Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.