Idlas ang kalinaw

Kinahanglan ang pag-ampo karong mga panahona. Dunay nipadala Kanako og video sa panghitabo didto sa Lanao diin dunay mga balota nga gipangguba. Nagubot ang maong presinto. Malisod tugkaron nga kinahanglang mag iningon sila niini? Kinsa may pasanginlan?

Dili ba ang maong pamaagi daw susama man gihapon kaniadto? Mga tawong dili magpapuli ug mga kaugalingon lamang ang gilantaw? Dili ba kaha taktika lamang kini aron kunohay dunay rason aron madeklarar ang Martial Law? O dili ba kaha Election  Failure? Aron pinaagi niini mamahimong makapadayon bisan dili na angayan ang anaa sa gahum? Pagkalisod palandungon apan possible gyud nga “history repeats itself.”

Katingalahan kun nganong daghang depektosong makina. Ug gani tungod sa maong hitabo ang mga balota segun pa press briefing sa COMELEC pundokon hangtud nga mahimo ang pag feed niini sa machine atubangan sa mga nagkadaiyang representante sa mga different political parties.

Ning daghan sa mga hitabo daw nakita nato nga mamahimong idlas na nuon ang kalinaw. Kini tungod kay ang gitinguha nga mabutang ang atong gipanglabanan sa ilang pwesto apan unsaon na lang kaha ang atong nasud?

Angay kitang magmatngon sa mga panghitabo karon. Kini tungod kay ang gahum sa kangitngit padayon ug kusganong naglihok alang sa ilang katuyoan nga mao ang paglaglag sa kinabag-an.

Angayan kitang makaamgo nga ang katilingbanong Sistema masalaypon ug padayon kining gipalunang sa lapok sa kawalay kapaingnan.

Nalig-on kining maong baruganan sa sindikatong mentalidad sanglit daghanan man pud sa mga Pilipinhon ang nahimong sabog sa mga saad nga way igong katumanan.

Alang ning maong piniliay mag-ampo kita ngadto kang San Miguel Arkanghel:

San Miguel Arkanghel

Panalipdi kami sa gubat. Mahimo kang taming batok sa mga Dautan ug sa tanang Lit-ag sa Yawa. Gapuson unta siya sa Ginoo nangamuyo kami O Prinsipe sa langitnong hugpong.

 Pinaagi sa Diosnong Gahum, itambog sa Impiyerno si Satanas ug ang tanang dautang Espiritu nga naglibot libot sa yuta nangita sa kapildihan sa mga kalag.

Maghari unta si Kristo sa among kasingkasing, sa maong kabanayan ug sa tanang dapit sa kalibutan hangtud sa kahangturan! Amen.

Ginoo luwasa ang among Nasud gikan sa mga mapahimuslanon ug hakog sa politikanhong gahum.