Advance rent ug deposits

Dear Atty. Divine,

Naa koy kwarto nga gusto nako nga paabangan og mga empleyado. Tulo ni ka kwarto apan wa koy ideya kun pila dapat ang akong pangayuon nga advance rent ug ang deposit. Pila man sad ka buwan ang gidungayon sa pag-abang. Daghang Salamat. —Kristy

Dear Kristy,

Basi sa Section 7 sa Republic Act 9653 or an Act Establishing Reforms In The Regulation of Rent of Certain Residential Units, Providing The Mechanisms Therefor and For Other Purposes, kini nagkanayon nga ang lessor mamahimong maka-demand og advance rent nga dili kini mosobra sa 1 month ug ang deposit nga imong kolektahon kinahanglan sab nga dili mosobra sa 2 months. Ang deposit iuli kana pagbalik sa nag-abang ini’g tapos sa inyong kontrata apan mao sab kini kuhaan kun ugaling aduna siya'y mga unpaid bills or rent or kun dunay mga damages sa sud sa kwarto ug ang sobra niini ibalik sa nag-abang. Kun unsay gidugayon sa pag-abang depende na na sa moabang. Mas maayo nga maghimo mo og Contract of Lease aron inyong ilatid ngadto ang tanang terms and conditions nga kinahanglan ninyong pagatumanon. Thank you and God Bless. —Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.