Depektuso ang napalit nga sakyanan

Dear Atty. Divine,

Duna koy gipalit nga sakyanan gikan sa usa ka bangko nga partner sa dealer. Kining maong mga sakyanan gikan sa dealer gi foreclosed na sa bank so dili gyud ni brand-new apan matud pa sa ahente nga good as brand new ang maong sakyanan. Usa ka buwan after sa akong pagpalit sa maong sakyanan, nakabantay ko nga adunay problema ang sakyanan. Bag-o pa man ni nako nga napalit, aduna ba koy legal nga basihan kun akong pailisan or mo demand ko og pa repair ning maong sakyanan basi sa Philippine Lemon Law?  — Lisa

* * *

Dear Lisa,

Basi sa Section 4 sa Republic Act 10642 kon Philippine Lemon Law kini naglatid sa mga lagda alang sa mga mipalit og brand new nga sakyanan buot ipasabot nga ang covered sa maong balaod mao lang kadtong mga brand new motor vehicles nga gipalit sa Pilipinas ug unya masuta sa customer nga depektuso  kini within 12 months  gikan sa pagpalit so ang buyer adunay recourse basi sa maong balaod. Apan sa imong kaso, dili kini covered sa balaod kay dili man brand new ang imong sakyanan nga gipalit kay gi-imbargo na man kini sa bangko, so, buot ipasabot nga adunay previous owner ug nagamit na ang maong mga sakyanan busa dili ka maka claim og replacement basi sa Lemon Law kay kadto rang mga brand new nga sakyanan ang covered niini. Hinuon pwede gihapon ka nga moreklamo ngadto sa imong gipalitan apan dili basi sa Lemon Law kondili basi sa  contract of sale nga imong gipirmahan uban sa dealer. Thank you and God bless. — Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana, pinaagi sa akong column matag Miyerkules, Sabado ug Domingo.