Labing tigulang nga Pilipino

Sa niaging duha ka semana, nakabasa na tingali mo niini, gi-feature sa Philippine Star ang labing tigulang Pilipino nga nagsaulog sa ika-124 a tuig nga sumad sa iyang pagkatawo. 124th birthday. Ngiga no! Lupig ta.

Taga-Barangay Oringao, Kabankalan City, Negros Occidental, si Francisca Susano, nagsul-ob og terno, midawat sa iyang mga bisita, kasagaran mga government officials nga nagdala’g mga gasa. Lakip sa mga mipahalipay kang Lola Francisca, sila si Franklin Quijano, hepe sa National Commission of Senior Citizens, ug si Jorge Largado, labaw sa National Commission on Indigenous Peoples.

Gi-implement na diay ang National Commission of Senior Citizens? Sila ra man didto sa Manila ang nahibawo niini. Wa man ta pahibaw-a kita dinhi sa Sugbo.

Ang National Commission of Senior Citizens Act, nag-abolish sa National Coordinating Council and Monitoring Board. Ang pagkamugna sa National Senior Citizens Act nihaom sa policy sa gobyerno “to adopt measures to assist our aging population and show them appreciation.”

So, aduna na kitay tukma nga nasudnong komisyon nga motutok primarily sa mga panginahanglan ug mga concerns natong mga senior citizens.

Niay importante kaayo nga angay masayran sa mga senior citizens, ilabina natong taga probinsiya.

Ang composition naglangkob sa Presidente mismo, isip chairman ug gipangulohan sa Lead Convenor sa NAPC with the rank of a Cabinet Secretary, uban sa 13 ka department heads, mga presidente sa League of Provinces, Cities, Municipalities, ug Barangays, uban mga representante sa 14 ka basic sectors nga naglakip na sa sector sa mga senior citizens.

Samtang ang National Commission of Senior Citizens Act nagmando “to promote the advocacy of and collaboration between different stakeholders and senior citizens to ensure the effective implementation of various programs and services, particularly on the development of senior citizens and advancing their health and well-being, and ensuing a supportive and enabling environment for the early.”

Ang commission ubos kini sa Offcie of the President. Sumala sa balaud, ang composition naglakip sa usa ka Chairman ug unom ka commissioner nga mo-represent sa mga geographical regions sa nasud. Atong kutloon kining portion sa provision sa RA 11350 kon National Commission of Senior Citizens Act ; ”The six commissioners shall represent different geographical regions of the Philippines and shall hold office in their respective regions.”

Sa ato pa, usa unta sa mga commissioners taga-Region 7 ug ania mag-opisina sa usa sa mga dakbayan sa Central Visayas. Ug balik kita ni Lola Francisca.  Ang mga dokumento bahin ni Lola Francisca, gi-sumiter na ngadto sa Guinness Organization, as the world’s oldest living person, nga kon madawat, lain kining world record sa atong nasud.

Ug nia: “Lola Francisca was born on Sept. 11, 1897. She attributed her good health and longevity to having a positive attitude, eating a healthy diet and abstaining from alcohol. Oatmeal and vegetable soup are among her favourite foods.”

Among others, importante gyud  kaayo  ang imong attitude pagpalugway sa imong kinabuhi. Mao ni ang giingon nga “the difference between a good day and a bad day is your attitude.” Sa imong pagmata sayo sa buntag, mag-agad kini sa imong attitude kon magmalipayon o magmagul-anon ka ba tibuok adlaw. Ikaw ang magbuot.