Gi-transfer sa pangan sa igsuon ang property

Dear Atty. Divine,

Mipalit ko og property samtang didto ko sa abroad. Ang akong gisugo sa pagbayad og pag-process sa transfer sa title sa tax declaration sa house and lot mao ang akong igsuon. Karon akong nahibaw-an nga instead nga ibutang sa akong pangan ang napalit nako nga property didto man hinuon kini gipangan sa akong igsuon ang maong house and lot. Miangkon ang akong igsuon nga nasayop siya sa pag-transfer niini ngadto sa  iyang pangan. Unsay angayan nako nga buhaton aron ma-transfer kini sa akong pangan? Daghang salamat.

Joey

* * *

Dear Joey,

Aron imong ma-transfer sa imong pangan ang maong house and lot, kinahanglan nga mo-execute ang  imong igsuon og Deed of Absolute or Deed of Donation in your favor.

Human niini, panotaryuhan ug i-process nimo ang pag-transfer pinaagi sa pagbayad sa taxes sa BIR. Kon mogawas na ang Certificate Authorizing Registration or CAR from BIR imong isunod ang pag-process sa transfer sa Tax  Dec sa Assessor’s office ug human niini imong i-process ang pag-transfer sa  title sa Register of Deeds. Makabayad gyud ka  sa pag-transfer niini ngadto sa imong pangan apan that’s the only legal way aron mabawi nimo ang ownership sa property. Thanks and God bless.

Atty. Divine

* * *

Alang sa inyong pangutana, palihug lang sa  pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.