Gustong mopalit og property
Dear Atty. Divine,
Nagplano ko nga mopalit og property. Duna may mitanyag nako og house and lot ug sa dihang ako kining gitan-aw nakauyon ko sa location ug maayo pa sab ang kondisyon sa balay. Interested ko nga mopalit sa maong property. Unsay dapat nako nga buhaton sa dili pa nako bayran ang maong property? Unsa nga dokumento ang among pirmahan, Contract of Sell or Contract to Sell? Daghang salamat.
Jen
* * *
Dear Jen,
Sa dili pa nimo paliton ang property mas maayo nga mohimo una ka og due deligence or background checking sa property nga gusto nimong paliton. Mangayo ka og certified true copy sa title kun ugaling titulado kini ug mangayo sab ka og certified true copy sa tax declaration. Kini aron imong masayran kun wa bay mga annotation sa title or sa tax declaration like wa ba ni naprenda or wa ba ni laing claimants or wa bay pending nga kaso sa korte ang property. Sutaon sab nimo kon nabayran ba ang mga buhis niini. Pwede sab nimo sutaon sa barangay kun wa bay pending reklamo ang property. Kun cleared gani tanan then pwede nimong paliton ang maong house and lot ug ang inyong pirmahan mao ang Contract of Sell kun imong i-fully paid dayon ang property ug imo dayon nga ma-process ang pag-transfer niini ngadto sa imong name. Kun imong i-installment ang paggpalit, Contract to Sell ang inyong pirmahan nga dokumento apan dili pa nimo ma-transfer ang property sa imong name until imo kining ma-fully paid . Once ma fully paid na, magpirmahanay na sab mo og Contract of Sell. Thanks and God bless.
Atty Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest