Responsibility in times of crisis

Mao kini ang title sa artikulo nga gisuwat ni Jecek Olezak napatik sa Philippine Star nga alang kanako relevant kaayo niining atong panahon karon.

Una sa tanan, si Jecek nagkanayon: “The situation today is unprecedented, with governments, public health authorities, businesses, and individuals all doing their best to weather the COVID-19 storm. In such a trying time, it’s more important than ever to remind ourselves of the true meaning of “responsibility” and the multiple dimensions of that concept.”

Buot niyang ipasabot nga niining atong panahon karon, mahinungdanon kaayo ang responsibilidad, ang mga kaakohan sa matag usa kanato kon buot kitang magmalampuson sa atong pakig-away batok sa coronavirus.

Dinhi, masulod sa atong hunahuna kining atong gibalikbalik dinhi kining atong pagka-gahig ulo ug pagka-wala natoy self-discipline. Nagkahulogan sa atong pagka-irresponsible.

Dugang ni Jecek: “Fundamentally, we each bear individual responsibility for our decisions and actions. Faced with a circumstance as enormous and daunting as a global pandemic, it is all too easy to deflect responsibility to our national and local elected officials, intergovernmental organizations, health agencies—really, to anyone other than ourselves.”

Tinuod, gumikan sa pipila ka imperfections, dali kitang mopasangil sa local ug nasudnong pangagamhanan, sa mga inter-agency nga organisasyon, mga health workers  - bisag kinsa na lang ang atong basulon ug pasinginlan – gawas sa atong kaugalingon.

Nga alang kanato wala kitay labot kon unsa man ang dautang mahitabo sa atong nasud, ilabi na niining panahon nga ang atong kaaway dili Makita.

Dugang tambag ni Jecek: “Even if you’re healthy and not considered at high risk of contracting the disease, stay home to the extent you can. Maintain social distance and avoid unnecessary contact.”

Nga bisan kon maayo pa kag lawas, kinahanglan gihapon nga motuman ka sa mga health protcols alang sa kaayohan natong tanan. Mao kini ang akong giingon nga lagmit ang natakdan sa kagaw natakdan sila tungod kay nagtuo sila nga dili sila matakdan kaylagi lig-on pa ang ilang kalawasan.

Tungod kay lig-on pa ang kalawasan, ang tendency dili kita motuman sa mga health protocols, dili na magsul-ob og face masks, dili mag-social o physical distancing, magpunay nag-gawas gikan sa ilang mga panimalay.

So, alang kanila dili ilang respnsibilidad ang pagtubag sa mga suliran nga ato karong giatubang, kundili responsibilidad lamang sa atong mga politikanhong leaders. Sa giingon ni Jecek, “As community members, the power to flatten the infection curve is in our hands.”

* * *

Didto sa America, si Dr. Anthony Fauci , usa ka physician-scientist namahayag nga sa dili madugay makaangkon da ang katawhan sa vaccine nga makatambal sa coronavirus. Busa, wa na kinahanglana ang widespread nga pag-lockdown.

Matud pa, “eoncouraging” ang resulta sa mga drug testings nga gihimo, ug wala na kinahanglana nga dugang widespread lockdown ang himuon didto sa America.

Kini ang mga panglantaw ni Fauci, isip director sa National Institute of Allergy & Infectious Disease, atubangan ni Presdiente Donald Trump ug Gov. John Bel Edwars sa Louisiana.

Adunay mga sugyot nga ila nang i-localize ang pagpahamtang sa lockdown, dili gyud widespread. Hinaut nga mamatuod kining mga panglantaw ni Dr. Anthony Fauci.