Probationary period sa employee

Dear Atty. Divine,

Nagtrabaho ko sa usa ka company  sud na sa kapin usa ka tuig. Karon ila kung gibutang sa probationary period ug matud sa HR nga dapat daw probahan nako sa kompaniya nga kwalipikado ko mamahimong regular employee. Ang akong pangutana kun pwede pa diay ko taktakon bisan kun anaa nako sa probationary period? Daghang salamat.

Jessica

* * *

Dear Jessica,

Ang Probationary Period gitugot kana sa balaod basi sa Article 296 sa atong Labor Code nga diin kini nagkanayon nga ang probationary employment kinahanglan nga dili mosobra sa unom ka buwan. Apan mamahimo gihapong i-terminate ang probationary employee basi sa tulo ka mga grounds nga mao ang 1) just cause 2) authorized cause 3) failure to qualify as a regular employee base sa reasonable standard nga gitakda sa employer. Ang purpose sa probationary employment basi sa balaod mao ang pag testing sa employer ngadto sa employee kun mo-qualify ba kini nga mamahimong regular nga employee. Buot ipasabot nga kinahanglan nga probahan sab sa employee atol sa iyang probationary period nga angayan ug takus siya nga mamahimong regular employee. Busa kun mo-qualify ang employee, then mamahimo na siyang regular nga empleyado after six months sa iyang probationary period. Thanks and God Bless.

Atty. Divine

* * *

Alang sa inyong pangutana, ipadala  lang sa Legal Corner sa  Banat News sa V. Gullas St., Cebu City or email sa [email protected] ug akong tubagon ang jnyong pangutana pinaagi sa akong column matag Miyerkules, Sabado ug Domingo.