Ipa drug test ang mga empleyado
Dear Atty. Divine,
Ang among kompaniya mipahibawo nga mo conduct sila og random drug test matag karon ug unya sa tanang departamento. Way specific nga schedule kun kanus-a nila himoon ang drug test ug ilang gi-obligar ang mga empleiyado sa pagpa drugtest kun maapil kini sa listahan. Ang akong pangutana kun makapugos ba ang employer sa iyang mga empleiyado sa pagpa drug test? Kun pananglit dunay masuta nga positive sa paggamit og drugas mamahimo ba kining kabasihan pagtaktak sa employee? Daghang salamat.
Jay
* * *
Dear Jay,
Yes, makapugos gyud ang employer sa pagpailawom sa drug test sa ilang mga empleyado dili lang tungod kay usa kini ka management prerogative pagseguro nga drug free ang ilang buhatan apan tungod usab kay mao kini ang gimando sa Republic Act 9165 kon Comprehensive Dangerous Drugs Act of 2002. Basi sa Section 36, paragraph d sa maong balaod, ang mga officers and employees sa mga public and private offices, whether domestic or overseas mamahimo silang ipailawom sa drug test. Kun dunay masuta nga positive, ipailawom kini sa confirmatory test ug kun mag positive gihapon then mamahimo kining kabasihan sa employer sa pagtaktak sa employee, provided nga hatagan niini og due process ang kawani sama sa pagpa explain ug pagpahibawo sa grounds sa pagtaktak kaniya. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
