Kalipay sa mga magtiayon nga dili na magkasabot

Naglipay ug nag-piyesta karon ang mga bana ug asawa nga di magkasabot gumikan niining pag-approve sa House panel sa balaudnon pagtugot ug pag-legalize sa diborsiyo. Haskang lipaya sa mga bana nga nag-maintain og laing asawa. Ingoman nagmalipayon usab ang mga asawa nga mao pay ilang kamatikod nga nasayop diay sila pagpili sa ilang bana. Actually, tungod kay hilasan tingali silang nganlan kini og divorce bill, ila kining gibunyagan og Marriage Dissolution Bill. Perhaps alang sa mga panellist mas nindot kining paminawon.

Si Albay Representaive Edcel Lagman mao gayud ang principal niining maong balaudnon. Lagmit di na gyud tingali sila sa iyang asawa magkasabot, sama sa uban natong mga sakop sa Kongreso ug ubang kadagkuan sa atong gobyerno.

To them, atong pahalipay ... congratulations, nga at last, kun mahimo na kining balaud, ma-legalized na ang ilang pagbuwag sa ilang asawa ug pagpangitag laing kapikas ug kauban sa kinabuhi. Gawasnon na gayud ang ilang pag-happy-happy.  Ang kauban ni Lagman sa Technical Working Group (TWG) nga mo-review ug mag-consolidate sa tulo ka divorce bills nga magtagbo karong Pebrero 12, gilangkoban nila ni Reps. Arlene Brosas sa women’s group Gabriela; Ma. Victoria Umali sa A-Teacher party-list; Juliet Marie Ferrer sa Negros Occidental, and Ma. Lourdes Acosta-Alba sa Bukidnon.

Sa ato pa, mga babaye nga magbabalaud ang kauban ni Lagman sa TWG. Hinaut nga ang maong mga babaye, mo-value ug mo-treasure gihapon sa kabalaan sa kaminyuon. Ang diborsiyo ra ba gayud ang makasulbad sa nagkasungi nga bana ug asawa? Ug unsa man usab ang gikasungian nga dili na man mahilot pinaagi sa pag-dialogue? Unsa man, wa na moy tingganay sulos sa panimalay?

Pagkaalaut sa inyong mga anak. Kun ang pagpangabit maoy ray hinungdan sa panagbingkil sa magtiayon, tan-aw nako, dili kini mo-warrant sa deborsiyo.

Kining tanam, naghulagway lang gyud ni nga nagpasagad lang mog pili sa inyong pamanhunon ug pangasaw-on. Matud ni Lagman: “These (bills) should be prioritized and may be disposed of as matters already reported, upon the approval of majority of the members of the committee present, there being a quorum.” Nagdali ma’s Lagman.  Sa iyang bahin,  ang kanhi Speaker of the House si Pantaleon Alvarez sa unang distrito sa Davao del Norte, namahayag nga sa tibuok kalibutan, kita na lang kuno ug Vatican ang walay diborsiyo.

Matud niya: “Dalawa na lang po tayo, ang Pilipinas at ang Vatican ang walang divorce law sa buong mundo.” So what? Akong tubag. Apan ang Deputy Speaker si Eddie Villanueva, sa Citizens’ Battle Against Corruption (CIBAC) party-list, supak sa Lagman Bill. Matud niya: “The passage of a divorce bill is practically unnecessary. First, it does not address issues of high cost of litigation and slow-grinding disposition of cases, which are the real problems encountered by those seeking relief from troubled marriages”

“Second and more importantly, it is a clear defiance to God and to the Constitution because it will terribly degrade the sacrosanctness of marriage as an inviolable institution.”

Perhaps alang kanilang Lagman, dili na relevance ang Ginoo ug ang Konstitusyon karong panahona.