Marcial Problem sa yuta
Dear Atty. Divine,
Duna koy pangutana labot sa among yuta nga daplin sa sapa ug dunay gidak-on nga 5,047 square meters sa wa pa kini maigo sa buhawi. Apan sa dihang gisukod kini atol sa Cadastral survey ang nahibilin nalang 3,010 square meters tungod sa sapa. Ang gobiyerno nagbutang og riprap ug ang barangay nagtukod sab og kalsada. So amo kining gipasukod og usab kay among bahinon mga manag-igsuon. Dunay nagabang aning yutaa ug ang sabot nga mopahawa sila kun gamiton na ang property. Apan ang nga nagabang midangop man sa City Assessors og ilang gipasukod ang property kay ang ilang claim iya kini sa gobiyerno. Sukad sa pagsukod niini daghan nang mitukod og balay tungod sa ilang pagtuo nga sa gobiyerno kini. Ang akong pangutana kun pwede ba diay kuhaon sa gobiyerno ang property nga amo man kining gibuhisan kanunay? Kun ma-transfer na ang property ngadto sa among pangan pwede ba namo mapapahawa ning mga tawhana? Daghang salamat.
Nita
* * *
Dear Nita,
Ang ownership sa property magdepende sa mga dokumento nga inyong gikuptan. Ang titulo usa sa mga proof of ownership ug kun way titulo, pwede sab gamiton ang Tax Declaration provided nga inyo kining gibuhisan matag tuig ug giubanan sab og continued occupation sa property. Sa imo nga kaso, wa ka maka mention kun unsay gikuptan ninyong dokumento as proof nga kamoy tag-iya. Ang gobiyerno dili makabawi sa property gikan sa nag-occupy kun duna siyay proof of ownership. Kun kamo gyud ang tag-iya sa luna pwede gyud ninyo nga papahawaon ang mga squatters pinaagi sa pagpasaka kanila og reklamo sa barangay ug kon di gyud mopahawa modangop kamo sa korte pinaagi sa pag-file og ejectment case batok sa mga occupants. Thanks and God Bless.
Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
