Papahawaon ang saup sa yuta nga gitikad

Dear Atty. Divine,

Duna koy pangutana labot sa yuta nga among gipuy-an. Dugay na nga giugmad sa akong amahan ning yutaa sa dihang 10 anyos pa ko. Karon 35 anyos nako ug naa sab ko nagpuyo ning yuta ubos sa pagtugot sa tag-iya. Regular nga naghatag og bahin sa abot ang akong amahan ngadto sa tag-iya. Apan karong bag-o among nahibaw-an nga gibaligya na diay kini ug wa mi pahibaw-a og apil sa nahalin ang among gipuy-an.  Dunay nahibiling lote nga gitanyag sa tag-iya namo apan pabayran kini nila og tag P3,500 matag square meter ug di mi ka-afford.  Miduol mi sa Agrarian office sa among lugar ug miingon kini nga wa daw mi mahimo kay dili kami ang tag-iya sa yuta. Ang akong pangutana kun pwede ba diay mi papahawaon nga dugay na man ming nagtikad ning yutaa?  Asa man mi modangop aron kapanalipdan ang among katungod? Daghang salamat. —John,

Dear John,

Ang tenant or saup sa agricultural land duna kini security of tenure busa dili kini basta-basta mapapahawa  bisan kun ibaligya pa ang property or lain na ang tag-iya or bisan kun mamatay na ang land owner. Gani kun ang tenant ang mamatay mamahimong mabalhin ang iyang tenancy rights ngadto sa iyang immediate family. Kana basi sa Sec. 3 sa Republic Act No. 2263 kon Agricultural Tenancy Act of the Philippines. Basi sa maong balaod mapalagpot lang ang tenant kun  napakyas kini pagbayad sa rental  o sa bahin sa abot sa yuta ngadto sa tag-iya.  Busa kun ang imong amahan usa ka saup sa maong yuta dili siya mamahimong mapahawa ug mamahimo siyang modangop  sa Municipal Agrarian Reform Office sa inyong lugar kun kamo pugson sa pagpahawa sa maong yuta. Pwede sab nga magpatabang mo sa Prov’l Agrarian Reform Office pag-settle sa maong problema. Thanks and God bless.  —Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana piinaagi sa akong column matag Miyerkules, Sabado ug Doming