Ang Halloween ug Kita

1. Ang Halloween gitawag og Devil’s Holiday. Diin ang mga nagbansay og itom nga mga mahika mohimo og mga satanic rituals ning higayona agig pagpakaylap sa tunglo batok sa simbahan ug uban pa.

2. Ang pumpkin nagdala og tunglo sa imong panimalay labina kun imo kining ibutang sa ganghaan mismo sa imong pinuy-anan.

3. Ang pag-abli sa imong aanghaan aron saulogon ang Halloween usa man ka dakong ganghaan alang sa mga demonyo nga modala og tunglo sa imong panimalay gikan sa una ngadto sa ikalimang kaliwatan kun henerasyon.

4. Hinumdomi nga ang Todos Los Santos adlaw sa mga Santos ug dili sa mga malignos.

Subo lang kaayo paladungon nga sa atong pagsulod sa mga tindahan ug bisan asa nahimong kustombre na kaayo ang trick or treat.

Ang maong balansayon ang nigamit pa gani sa atong kabataan ingon nga sul-oban sa maong mga costumes.

Sa laktod, nahimo na kining fashion ning atong panahon. Ang pagsul-ob sa bisti nga mopakita og laing karakter nga hawa sa tinuod nga kinaiya sa nagsul-ob ang makapahimo sa nagsul-ob niini nga matakdan. Kay kun unsa ang atong gitisok nga ideya sa atong kabataan nan, mao usab kana ang ilang hunahunaon ug bitbiton sa ilang panaw sa kinabuhi.

Kun atong gipahigmata kanila nga cute ra diay ang mamahimong maligno o impakto mahimong ilang isipon ang ilang kaugalingon nga mga impakto ning atong kapanahonan karon.

Busa mga ginikanan, atong himoong mausab ang naandang balansayon ug panlantaw. Atong ibalik ang tinuod nga kahulogan sa kasaulogan sa Nobiyembre Uno, adlaw kini sa mga balaan ug dili sa mga dautan.

Himoon natong iparada ang balaan sa pamasin nga ang mga kabataan mamahimong inspirasyon sa mga hamtong nga magpuyo sa kinabuhing balaanon. Biyaan unta nato ang bisan unsang pagano aron atong mas palig-onon pa gyud ang bisan unsang iya sa Ginoo.