Gikan Sa Tsirman

Hagdanan sa kinabuhi

Dili nako kalimtan ang mga pahimangno sa akong mga ginikanan “whatever the Lord gives you, an answered prayer or an unexpected blessing, whether big or small, you should always be grateful and humble.” Si Lola Ande, mama sa akong inahan mao sab ang gipamulong kanamo, “Remember there are days when you are up and moments when you are down, so always be prayerful and be humble.”

Nakahinumdom ko ni Haring Solomon sa Bibliya, nabantog siya sa iyang kaalam. Iyang gisakripisyo ang kaugalingon ngadto sa Ginoo, ug gipakita siya sa Ginoo diha sa iyang damgo ug gipangutana si Solomon kun unsa iyang tuyo Kaniya. Nangayo si Solomon og kinaadman. Nahimuot ang Ginoo kaniya ug gihatag ang gipangayo ni Solomon kay wala man kini mangayo og butang nga para lang sa iyang kaugalingon o ba kaha aron tunglohon ang iyang mga kaaway aron mamatay. Mao nga matag adlaw mangaliya gyud ako sa Ginoo pagpangayo og kinaadman. Kay ang kinabuhi, bahin man sa pagpili, may risgo ug kalipay ug may katagbawan.

 Sa paghimo og mga desisyon, ako gyud pirmeng balikan pagtutok ang hulagway nilang Papa Inting ug Mama Pining diha sa akong opisina. Ini’g mata nako sa buntag, sila ra gyud ang naa sa akong hunahuna ug magpatabang ko nga ila akong giyahan aron nga masiguro nakong magpadayon ang ilang legasiya sa mosunod nga mga henerasyon.

 Duna koy dakong pagsalig sa akong kapalaran. Ako nang gidawat ug nakig-uli nako niini. Akong gihatag ang sa akong pagtuo maoy hustong direksyon, mao nga wala koy pagmahay. Ang kapalaran dili estranghero. Kun naa ka sa Ginoo, nasayod ka na kun asa ka padung. Mao nga dili angay mahadlok, siguro na ang kapalaran.

Sa makadaghang higayon, ilabi na kun naa gani sa kalisdanan, ang Ginoo dayon ang basulon. Kun unta mohatag lang sila og panahon paglingi sa kagahapon, siguro ako nga ilang mahinumdoman nga sila maoy nipili niini, desisyon nga kinahanglan nilang dawaton ang sangputanan.

Wala ko magdahom nga sa panaw sa akong kinabuhi, duna koy mga tawong kasaligan nga nisuporta sa pagkab-ot sa damgo sa pasyon sa akong Papa Inting, founder sa University of the Visayas ug ni Mama Pining, co-founder ug iyang inspirasyon karong gisaulog na ang Centennial Year, 100 ka tuig nga paghulma og mga hari ug rayna bisan og walay korona mga harianon gihapon. Dako kaayo ang akong pasalamat sa dili masukod nga utang kabubut-on.

Ang ako lang kanunay nga giampo nga giyahan sa Ginoo ang mga batan-ong henerasyon sa mga Gullas ug grasyahan sila nga makapili sa hustong dalan, hustong desisyon ug akuhon ang pag-amping sa legasiya sa akong ginikanan sama sa gibuhat namong ikaduhang henerasyon sa mga Gullas.

 Karon ang dako nakong damgo ug gustong makab-ot uban sa pag-ampo nga maapil ang atong The Freeman  ug ilhon nga usa sa mga100-years club sa mga pamantalaan sa tibuok kalibotan bisan og lokal kini nga pamantalaan.  Basin pa diay, pinaagi sa pag-abag sa akong igsuon, Servant of God, Archbishop Teofilo Camomot, uban ni Senior Santo Niño, ang way paglubad nga proteksyon sa Sacred Heart of Jesus ug mabinantayong mga mata ni Mama Maria.

 Basin, sigurado gyud ko, ang labing dakong gasa nga akong nadawat mao ang kinaadman gikan sa akong mga ginikanan ug apohan. Ang ilang mga pulong kanunay nga mopahinumdom kanako sa panaw nako aning kalibotana. Matud pa nila “In life, always look back of yesterday and that you and your future children, Dodong will lean to value and practice the virtue of humility, to be humble, humane and compassionate and to be prayerful because the Lord can knock at our doors at any time. Don’t ever forget that in the stairway of life, the people you meet on your way up are the same people you meet in going down.”