Gi-hostage sa mga gadgets

Ang World Health Organization (WHO) mipahimangno nga ang subrang pagka-exposed, ilabina sa kabataan ngadto sa mga gadgets o “too much viewing of electronic screens” makaapektar sa panglawas sa kabataan.

Firstly, makaagaw kini sa eksaktong pagkatulog sa bata ug mawad-an sa panahon nga maaktibo. Ang mahitabo, ma-sedentary ang mga bata nagpanuigon og lima paubos. Sa ato pa, gawas nga dili maangkon ang quality sleep, mawad-an usab sa physical activity, kay lagi nahiktan na man, gi-hostage man sa mga gadgets, sama sa videograms, cellphones, o sa telebisyon.

Girekomendar nga at least, dili molapas og usa ka oras  matag adlaw  ang ilang pag-atubang niining maong mga gadgets. Ang ato ra bang mga modernong parents ila lang pasagdan ug patuyangan ang ilang kabataan paggamit niini.

Atong kutluon kining report:  “The WHO report jibed with earlier findings on the harm of excessive screen time. In the United States and Europe specialists have warned of “screen dependency disorder”. SDD can manifest in children as young as three to four years, the American Academy of Pediatrics warned in 2018.”

So, mao kini ang mga pahimangno batok niining giingon nga excessive screen viewing sa kabataan. “Gadgets have become the first thing the child grabs on waking and the last to look at before dozing off,” dugang sa WHO.

Mao ba kini ang nahitabo sa inyong panimalay, nga ang unang buhaton sa inyong mga gagmay’ng anak ini’g mata, mao dayon ang pagdula sa mga gadgets, ug mao gihapon ang ilang duladulaan dayon na katulog?

Sa tingkaon maka-distract kini sa tarong nga pagkaon sa bata, ug lahi sa among panahon nga ang tingkaon himoon namong higayon nga ang tibuok sakop sa banay magka-istoryahanay. Apan karon, gumikan sa maong mga gadgets dili na magkatingganay ang pamilya. Mao ra’g dili na makaila.

Gani, in some instances, di na magtinagdanay ang bana ug asawa kay nag-iyahay man og atubang sa cellphone. Inay sila ang mag-istorya, ang uban nang mga tawo ang ilang istoryahan. So, na-waa ang human interaction.

“Consequently,” Giingon dinhi nga: “affected are not only sleep and active play, but also attention, nutrition, and posture. Those lead to insomnia; back, neck and headaches; and under or overwe ight. Long-term adverse effects could be obesity and imbalanced diets.”

So, kining naghinubra natong paggamit o pagdula sa mga gadgets, makahatag og daghang kadaot sa panglawas, dili lamang sa mga bata, kundili lakip na ang mga adults, ug bisan kitang mga senior citizens.

Dugang niini, makaapektar usab kini sa behaviour sa tawo, nga dili na makig-associate sa uban, gusto na lang nga mag-inusara, unya, mosugmat ang pagka-dishonest, stubbornness, guilt, anxiety ug depression. So, grabe ang epekto niini nganhi sa panglawas ug attitude sa tawo.  Kahinumdom ko sa gisugilon kanako sa akong pag-umangkon nga duna silay suod nga pamilya nga tua na sa America nagpuyo. Gumikan sa ka-busy sa mga ginikanan, most of the time ang bugtong nilang anak lalake pirme lang mag-inusara sa balay.

Busa, nagpatuyang sa mga gadgets sa balay. Day- in day-out nag-atubang sa paborito niyang gadget ... di  na ganahan mokaon, wala nay hustong kinatulgan ... hangtud nga nalisuan sa pangutok.

Tinuod ba ni?