Undivided property gustong ibaligya

Dear Atty. Divine,

Ang  akong amiga dunay na-inherit nga property sa iyang mga ginikanan. Tulo sila ka magsuon apan wa pa nila ma-subdivide ang property.  Karon gusto unta sa akong amiga nga ibaligya nako ang iyang share. Interesado sad ko nga mopalit niini, ang akong pangutana kun kinahanglan ba nako nga papirmahon og apil sa Deed of Absolute Sale ang iyang duha ka igsuon? Kun pananglit  di  mopirma ang iyang mga igsuon makapadayon ba siya sa pagbaligya sa iyang share?  Daghang salamat.

Joan

* * *

Dear Joan,

Ang imong amiga makonsiderar  nga co-owner uban sa iyang mga igsuon sa property nga iyang na-inherit  gikan sa ilang mga ginikanan. Kini tungod kay wa pa man ma-subdivide ang property. Basi sa  Art. 493 sa atong  Civil Code kini nagkanayon nga ang co-owner adunay katungod nga mo-enjoy sa iyang rights sa  property og duna sab siyay katungod nga mobaligya niini.  Buot ipasabot  nga isip co-owner di na siya kinahanglan nga mangayo og pagtugot  sa iyang mga igsuon kun iyang ibaligya ang iyang share. Apan kun imo ning paliton mas maayo gyud nga imong ipa-subdivide daan ug papirmahon ang ubang heirs aron  ma-identify ang portion nga imong gipalit ug mamahimo na kini nimong ma-develop. Thanks and God bless!

Atty. Divine

* * *

Alang sa inyong pangutana ipadala lang sa Legal Corner sa Banat News sa V. Gullas  St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.