Rice is Life!

Mobarato na gyud kaha ang presyo sa bugas? o basin hingpit na mawagtang ang rice undustry sa nasod?

Mao kini ang mga nagunang pangutana sa pagkaumol na sa rice tarrification law diin adunay mga kabalaka nga mitumaw ilabi na sa mga mag uuma nga maoy direktang maapektohan sa balaod nga bag-ohay lang gipirmahan ni Presidente Duterte.

Adunay mga nagduda kun pro-poor ba kaha kini o mas monydnod pa kini sa mga tawo ngaadto sa kalisod.  Apan para nako angayan nato kining palakpakan ug pasalamatan kay mao kini ang maghatag og kasolbaran sa padayon nga pagsaka sa presyo sa bugas.

Tungod kay wala nay restriction sa rice importation mahimo nang makaangkat o palit ang mga negosyante og bugas sa gawas sa nasod.

Nagpasabot nga mas mobara to na unya ang presyo tungod kay abunda naman sa supply ang nasod. 

Sa nasod sama sa Pilipinas ang bugas kinabuhi alang kanato apan naghatag kini og kalbaryo sa mga kabus tungod kay taga liog na ang presyo niini.

Tinuod aduna kitay kaugalingon nga rice industry apan kulang kini kaayo alang sa kanato nga mga rice eaters o konsumidor.

Maapektohan gyud hinoon ang mga mag uuma kon dili sila maka compete sa mga imported rice.

Mahal ang produksyon apan mobarato ang presyo sa ilang produkto maong nabalaka usab sila sa kaugmaon sa industriya sa humay sa nasod.

Apan ang mga mag uuma mao baya usab ang apektado sa pagmahal sa presyo sa bugas isip mga konsumidor. 

Gani inig human sa harvest wala namay mabilin nga humay kay gihurot na sa pagbira sa mga nautangan maong mamalit o mangutang na usab og bugas para konsumo.

Sa ato pa apil sila sa makapahimulos sa epekto sa rice tarrification law. Taliwala sa mga pagduda ug kabalaka adunay maayong sangpotanan ang balaod nga naumol atol sa Duterte administration.