Alegre na kaayo mga komentaryo sa radio

Niining atong panahon karon nga medyo minus na ang atong mga kalihokan gawas sa balay, most of the time, ania na lang kita sulod sa atong mga panimalay. Minus na ang mga outdoor activities.

Sa akong bahin, bisan og wa pa ka-full blast ang campaign period, gihimo nakong kalingawan karon, pagpalabay sa panahon ang pagpaminaw sa mga political commentaries sa radio. Alegre na kaayo ug makalingaw.

Apan, niadtong hingtungdan, makalagot kay below the belt ang pang-atake, in most instances, personalan na kaayo, wala nay labot sa isyu. Grabe og mogamit sa mahait nga mga pulong, pagbugalbugal ug pagbinastos.

Hinuon, malingaw ka gumikan sa mga pasiaw nga ilang ipabati, diin alang nako nga dili  lunod- patay nga lumalaban sa partikular nga kandidato, dili ko maapiktahan ug dili masakitan.

On the whole, alegre ang makalingaw lingaw na karon ang mga politikanhong komentaryo sa radyo.

Medyo sensitive ko nga pagkatawo, nga kun kandidato pa ko karon, daghan nang mga kaso sa libelo ang akong napasaka batok sa mga bugal-bugalon nga mga komentarista.

In the meantime, sama tingali sa uban nakong isi’g ka-senior citizen, enjoy kaayo kong maminaw sa nagkadaiyang matang sa pangomentaryo sa radyo karon either pagdaot o pagdayeg sa usa ka kandidato.

Alang nako, abilidad ni. Dili sayon ang pagpangomentaryo panahon sa eleksyon. Di ko kamao ini.

* * *

Duna diay pipila ka botika nga hangtud karon wala mohatag sa 12-percent value added tax (VAT) exemption pagbaligya sa mga tambal alang sa diabetes, hypertension, ug high cholesterol ngadto sa nagpanuigon ubos sa 60, lahi kini sa paghatag og VAT discount ngadto sa mga senior citizen.

Ang ubang mga drugstores mi-eksplikar nga wala sila maka-comply sa maong exemption tungod kay wala nila ma-reconfigure ang ilang cash register system. Apan, matud ni BIR Deputy Commissioner Marissa Cabreros nga “it is not a matter of changing the functionality of the system.”

Dili kini mamahimong hinungdan ngano nga dili makahatag sa discount. So, mahimo na kaayo nga ilang i-implement ang VAT discount. Ang Tax Reform for Acceleration and Inclusion (TRAIN) Act, nga maoy nanawagan ning maong exemption, usa na ka tuig nga gi-implement, ug kinahanglan nga napatuman na kini sa mga drugstores.

Namatikdan ang  mga gagmayng botika maoy wala pa makapatuman niini. Si Cabreros miawhag sa mga hingtungdan pag-report sa violation via [email protected].

Ang silot: multa nga  P1,000 o bilanggo  sulod sa unom ka bulan, or both.