Universal pension alang sa mga senior citizen

Adunay mga balaudnon sa Lower House nga maghatag og dugang benepisyo ngadto sa mga senior citizen. Ambot unsay nahitabo sa maong mga balaudnon.

Pananglitan, atong hinumdoman nga ang panel chairman sa House Committee on Population and Family Relations mipasalig nga mopasar sila’g substitute bill nga magpalapad sa mga benepisyo sa mga senior citizen. Matud pa, ilang i-redefine ang term “indigent senior citizen” aron mas daghan ang makadawat sa dugang benepisyo gikan sa gobiyerno.

Pagkakaron gud, ang RA 9994 o Expanded Senior Citizens Act of 2010, mi-define sa elderly “who is frail, sickly or with disability and without pension or permanent source of income, compensation or financial assistance from his or her relatives to support his or her basic needs.”

Maoy ilang tinguha nga bisan kadtong dili indigent nga wa malakip sa ilang definition indigent elderly, maka-avail usab sa dugang mga benepisyo. Daghang mga senior citizen nga bisan kun aduna silay kahinguhaan, dili masakiton, apan gumikan sa inflation – ang kanunay nga nagsaka sa presyo sa mga palitunon, nagkinahanglan pa sila sa dugang tabang.

Ilang laraw nga mopasar sa universal social pension ngadto sa mga senior citizens. Katuyoan niini:  “To provide and sustainable coverage of a minimum of P500 to all senior citizens, subject to review every two years, taking into consideration such factors as inflation and availability of funds.”

Basta wala lang sila magdawatan og pension gikan sa SSS. Ambot unsa nay nahitabo niining maong balaudnon.

Lagmit, ma-moot and  academic na kini, sa higayon na mahimo nang balaud ang Universal Health Care nga mag-cover na sa tanang molupyo sa tibuok nasud. 

Sa 2010 nga data, pagpasar sa RA 9994, ang gidaghanon sa mga senior citizen nga nagpanuigon og 60 pataas, miabot na’g 6.23 million, o 6.7 percent of the country’s the total population. Karon, lagmit mokapin na’g kapin sa 8 milyones o labaw pa ang senior population. Daghan na gyud kaayo ta.

Ang life expectancy misaka gikan sa 55 nga panuigon sa tuig 1950s ngadto sa pangidaron nga 69 karong mga panahona. Kini tungod sa pagkunhod sa fertility rates, ug sa modernong mga tambal. Gipaabot nga ang nagpanuigon karon og 60, molungtad pa’g 17 ka tuig.

Matud pa, despite constitutionally mandated social security for senior citizens, not all older people receive adequate financial support; when they do, it is often inadequate to cover basic needs, such as health expenditures.