Dunay sayup sa billing sa credit card
Dear Atty. Divine,
Duna koy credit card ug monthly ko nga makadawat sa akong billing statement.
Lately, nakurat ko sa akong bill kay kalit man nga mi increase ang akong monthly due ug midoble kini sa akong naandan nga bayranan monthly.
Wa man ko maggamit sa akong credit card sa pag shopping kay ako ra kini gi-reserve for grocery in case maapiki ko sa budget.
Unsay angayan nako nga buhaton aron ma-clarify ning akong bayrunon sa credit card? Daghang salamat.
Lucy
* * *
Dear Lucy,
Basi sa Section 18 sa atong Philippine Credit Card Industry Regulation Law kini nagkanayon nga kun adunay error o sayop sa billing gikan sa bangko, ang card holder dunay 30 days nga mopahibawo sa card issuer ug kinahanglan nga mohimo og aksyon niini ang bangko within 10 business days.
Busa ang maayo nimong buhaton mao ang pag-report sa imong bangko labot sa discrepancy sa billing sa imong credit card aron ila kining mahimoan og aksyon. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest