Eleksyon na pud!

Alang kanatong mga senior citizen, ambot pila na ka eleksyon ang milabay sa atong kinabuhi, gikan sa unang tuig sa atong pagka-elektor.

Ato na kining nadaklitan paghisgot dinhi, nga lahi na kaayo ang eleksyon sa atong panahon kay sa karon, diin maoy mihasi ang pinalitay.

Kaha ang uban kanato, na-discouraged na, nawad-an na’g gana pagbotar, ilabina kon mabawo kita’g pangita sa atong ngalan ug sa atong presinto.

Ug labaw sa tanan, maka-discouraged ang resulta sa karon nga mga eleksyon, din gumikan sa atong pagpasagad og pagnegosyo sa katungod pagpili, daghan kaayong naglingkod sa pagpangatungdanan sa gobiyerno nga napili gumikan sa popularidad ug sa kadaghang kwarta ug dili gumikan sa qualification.

Whatever, dili nato hikawan ang atong kaugalingon niining maong katungod. Botar gihapon ta, ug atong awhagon ang atong mga anak, mga apo, ug mga batan-ong kaparyentihan to vote wisely and responsibly.

Ug sa umaabot nga midyear election sunod tuig, ania ang dinalian ug hamubo nga mga kasayoran nga angay natong masayran (nationwide):

Dunay 12 pagka-Senador ang atong pilion; 243 ka sakop sa House of Representatives; 53 ka Party-list Representatives; 81 pagka-gobernador; 81 pagka-bise gobernador; 776 ka sakop sa mga provincial boards; 1,634 pagka-ka mayor; 1,634pagka-bise mayor; 13,540 ka konsehal.

* * *

Sa iyang sinuwat, si Ma. Jose Montelibano mipadayag sa kabalaka sa kahimtang sa mga senior citizen sa atong nasud. Matud niya, kasagaran sa mga senior citizen, naglisud na pag-maintain sa naandan nilang lifestyle. Kini tungod kay “after retirement, they do not earn anymore.” Namatikdan ni Montelibano nga mao usab kini ang kahimtang sa ubang mga nasud “where pensions are less than working pensions,” ug kini mao usab ang kahimtang sa atong nasud. 

Dugang ni Montelibano: “The senior citizens earn much less after retirement, but their needs do not necessarily become less.”  Tinuod kaayo. Sa atong pag-retire mikunhod an atong income (ang uban wa gyud), apan wa mokunhod ang atong mga panginahanglan.

Ato aa usab kutloon ang IRR, Sec.6, Art. 11 sa RA 9994: “To the extent practicable and feasible, the senior citizen shall be granted the continuance of the same benefits given by the GSIS, SSS, and PAG-IBIG, as the case may be, as enjoyed those in active service.”Lagmit, nakita sa atong gobyerno nga dili practicable ug dili feasible nga kahatagan kita’g kahigayonan nga maka-enjoy sa mga benepisyo nga na-enjoy karon sa wala pa mo-retire … in active service pa.