Pope vs. Hitler

Kini akong nakita nga documentary sa National Geographic sa dihang nangandam ko alang sa akong Morning prayer. Nahitabo kini sa Ikaduhang Gubat sa kalibutan diin si Pope Pius XII ang way laing nahimo gawas sa pag-ampo uban ang paghatag og mga hinabang sa iyang mga kaigsuonan sa Italya human nahiagom kini sa pagpamomba. Daghan ang nangamatay, daghan ang naangol. Ang sotana sa Santo Papa napuno sa daghang dugo kay ang mga tawo mihikap man kaniya. Makahuloganon ang maong talan-awon nga bisan pa man kun dili maayo ang kahimtang niadtong panahona ang simbahan padayong nahimong simbolo sa kalinaw alang sa tanan. Butang nga lisud kaayo himoon ning mga panahona sanglit daghan man ang mas mouyon sa paagi nga dugoon ug pintas. Unsaon na lang kaha kon kini ang magpadayon? Ikaw unsay imong pilion? Ang kabangis alang sa hinanaling kabag-ohan o ang proseso alang sa dugay nga kalampusan?