Kinsa ang mogasto sa pag-repair sa apartment?
Dear Atty. Divine,
Duna ko’y giabangan nga apartment sulod na sa duha ka tuig. Tungod sa kadugay na sa maong apartment, duna kini guba nga angayang i-repair, sama sa bintana, pultahan ug sa ang iyang comfort room.
Ang akong pangutana kon kinsa man ang mopa-repair niini, ako or ang tag-iya? Wa man gud maapil sa among Contract of Lease ang kalabot sa pag-repair. Daghang salamat. — Joy
Dear Joy,
Base sa Art. 1654 sa atong Civil Code, ang Lessor, o tag-iya sa imong giabangan maoy obligado nga mohimo pag-repair sa apartment nga imong gipuy-an.
Ang lessor maoy angay’ng mo-maintain sa property nga magpabilin kini nga in good condition.
Kon pananglit, dili siya mohimo sa pag-repair, pwede ra sab kon mosugot ang lessor nga ikaw ang mogasto sa repair apan imong i-deduct sa imong abangan kon mosugot siya.
Lain nimo nga option mao ang pag-suspend sa imong pagbayad sa rental hangtud nga iyang i-repair ang property. Thanks and God bless.-Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
