Remedyo sa kolesterol ug hayblad (2)

Gituki nato kagahapon ang lakbit-saysay sa kinabuhi sa mga Amish, likod sa ilang himsog nga panglawas nga hugot ang pagsalig sa mga produkto sa kinaiyahan.

Tumong nato mao ang pagdasig sa uban nga wala kita mag-inusara, kon buot kita nga mosagop usab nga magbaton og pagsalig sa mahatag nga natural nga kaayohan sa atong panglawas.

Dili na kinahanglan nga mogasto pa sa pagminten sa medikasyon, aron lang pagwagtang sa mga giantos nga sintomas, apan dili ang pag-ayo sa hinungdan ngano nga nagkasakit, sama sa kataas sa lebel sa kolesterol ug sa hayblad presyur.

Ang mga ingrediyentes nga gigamit sa Amish, ania sab sa atong palibot.

Sama sa mga mosunod nga gikinahanglan niini –

* Usa ka lusok sa ahos…

* Usa ka kasarangan nga gidak-on sa luy-a nga kinagod.

* Usa ka kutsarita sa puro nga dugos.

* Usa ka kutsara sa ‘apple cider vinegar w/mother’ (ACV).

* Usa ka kutsara sa duga sa lemon.

Mga instraksyon –

* Ibutang ang tanang ingrediyentes sa ‘blender’, ug pakusgan og maayo nga masagol pag-ayo sulod sa tunga sa minuto. Inighuman, salaon kini ug ibutang sa ref sulod sa 5 ka adlaw.

Unsaon ang paggamit niining natural nga remedyo?

Moinom ka nini og kaduha kada adlaw. Konsumoha ang usa ka kutsara nga wala pa’y sulod ang tiyan, o sa dili pa mokaon sa pamahaw, ug sa dili pa manihapon, o katapusang tingkaon nimo. Iseguro lang nga matultol kanunay ang oras sa pagkonsumo.

Ang unang makita nga maayong resulta, mabatygan mo human sa tulo ka adlaw.

Malipay ka, kay sagad niini mapamati mo ang kaugalingon nga moabtik, ingon sa presko ang kondisyon sa lawas, kay diay niepekto na nga nikunhod na sa normal ang lebel sa kolesterol ug sa hayblad presyur.