Gihimong public road ang portion sa ilang property

Dear Atty. Divine,

Duna ko’y pangutana labot sa among yuta. Portion of our property gigamit nga agianan sa barangay apan wa sila mananghid namo.

Gusto unta namo nga gamiton ang property, apan matud sa kapitan nga considered na nga government property ang maong portion sa among yuta kay gigamit man kini nga public road.

Ang akong pangutana kon dili na ba gyud namo makuha ang maong portion sa among property nga gihimong dalan? Daghang salamat. —  Nico

Dear Nico,

Ang usa ka private property bisan kon gamiton kini for public use, or public purpose, sama sa public roads, dili kini automatic nga mapanag-iya sa gobiyerno.

Magpabilin kining private property gawas lang kon kini gi-donate ngadto sa gobiyerno, or gipalit, o gi-expropriate. Busa kanang portion sa inyong property nga gihimong public road, kon wa kana gi-expropriate, gipalit, or gidonar, then nagpabilin kana nga private property ug isip tag-iya niini mahimo kamo nga mo-take possession sa maong portion. Thanks and God bless.-Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.