Gidonar ang basakan sa igsuon nga maoy nag-atiman sa yuta
Dear Atty. Divine,
Ang akong igsuon nga ulitawo namatay na. Duna siya’y farm land nga gibilin. Apan ang iyang basakan gi-donate niya nako sa dihang buhi pa siya kay ako man ang nag-atiman niya sa dihang siya nagsakit. Gani, ang titulo sa basakan nabalhin na sa akong pangalan.
Pagkamatay sa akong igsuon, ang akong manghud mi-demand man nga iapil namo og bahin ang basakan. Ang akong pangutana kon legal ba ang pagdonar sa akong igsuon ngari nako sa iyang basakan?
Maka-demand ba ang akong mga igsuon og share sa basakan nga gihatag na diri nako sa akong igsuon? Hinaot nga imo kong malamdagan sa akong problema. Thanks. — Lina
Dear Lina,
Base sa Article 1003 sa atong Civil Code kini nagkanayon nga kon wa’y compulsory heirs ang namatay, ug wa’y gibilin nga Last Will and Testament, then ang iyang mga igsuon maoy maka-inherit niini in equal share base usab sa Art. 1004.
Apan kanang basakan nga iyang gi-donate kanimo ug na-transfer na gani sa imong pangalan, dili na sila makapanghilabot niana. Kining Collation nga gilatid sa Article 1061 sa atong Civil Code mahitabo lang kana kon adunay compulsory heirs ang namatay nga diin tanang property nga iyang gidonar, ilakip gyud sa pagkwenta inigbinahinay sa tanan niyang mga compulsory heirs, sama sa mga anak ug legal spouse.
Apan sa kaso sa imong igsuon, wa man siya’y compulsory heirs so ang mahimo ninyong bahinon in equal share, kadto na lang farmland ug wa na’y labot ang basakan nga iya na nga gihatag kanimo . Thanks and God bless. - Atty. Divine
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest