Gustong ipausab ang apelyido sa bata
Dear Atty. Divine,
Duna ko’y illegitimate nga anak apan wa ma-acknowledge sa amahan. Ang gigamit nga apelyido sa akong anak sa iyang birth certificate mao ang akong surname.
Karon pagkakita sa amahan sa bata nga liwat gyud kaayo niya gusto niya nga usbon ang apelyido sa bata.
Ang akong pangutana kon unsaon pag-usab sa apelyido sa akong anak ngadto sa apelyido sa iyang amahan nga ang nabutang sa iyang birth certificate ang ako man nga apelyido?
Daghang salamat. — Jessa
Dear Jessa,
Pwede ra nga mausab ang apelyido sa imong anak sa iyang birth certificate pinaagi sa pag-execute sa amahan sa bata og Affidavit of Acknowledgment with Consent to Use the Surname of the Father.
Panotaryohan ang maong affidavit ug dayon imong iduso sa Local Civil Registrar diin nimo girehistro ang bata aron kini ma-annotate sa iyang birth certificate ug mahimo na siyang mogamit sa apelyido sa iyang papa kay gi-acknowledge na man siya.
Apan aron pagseguro gyud kon wa ba’y laing requirements ang Civil Registrar gawas sa Affidavit of Acknowledgment, mas maayo nga mangayo ka sa Civil Registrar og listahan sa mga rekisitos alang ning maong katuyoan.
Thanks and God bless! — Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest