Padung sa bukid

Nahuman na gyud ang  akong gipahimong yano nga pinuy-anan nga akong puy-an ug ni bisan kinsa nga mopuli nako didto. Sanglit okupado man ang ubos nahimong padung sa taas na lang ang development. Mao nga dunay hagdanan padung sa bukid ug gani ang sala ug kusina tua man sa taas. Daghan ang nangutana kun unsaon na lang ang mga senior citizens? Ako silang giingnan nga buhatan pud sila og ilang dapit sa ubos. Ang mahinungdanon mao nga ipahimutang lang ang matag building aron di mahimong crowded ug way view ang tanan. Ang pamalandong mao nga malisud ang pagsugod labi na kun dili ingon ana ka dako ang bulto sa suporta.  Labaw  na nga dili maayong isakripisyo ang kalig-on tungod sa wala mapahimutang nga pagtampo. Hinuon sa laing bahin, ang pagtungas sa bukid mahinungdanong panaw sa pag-ampo sa pamasin nga sa mamingaw ug ma ala rivendale nga luna makaplagan mo ang tubag sa daghanan mong mga pangutana.