Mga sintomas sa diabetes
Managsama lang ang mga sintomas sa diabetes 1 ug 2 nga klase. Mas maayo nga sayo kini madetek, aron dali maremedyohan nga dili mokomplikar. Sagad gud sa mga hinungdan niini, mao ang naghinubra’ng katambok ug sa grabe kamahiligon sa pagkaon og mga tam-is, mga softdrinks, ug uban pa.
Busa, ani-a ang mga sintomas kun ikaw may diabetes-1… (a) Subra kauhaw nga permi lang giuhaw nga mag-uga ang tutonlan…(b) Kanunay mangihi o kaihi-on nga di makontrol…(c) Kausaban sa panan-aw, nga usahay magluha-luha ang mata o usahay medyo mohanap ang panan-aw…(d) Dunay ‘glucose’ o ‘sugar’ sa ‘urine’ o sa ihi….(e) Tam-ison ang baho sa gininhawa o baba, nga ginganla’g ‘ketoacidosis’…(f) Ganado sa pagkaon apan nagniwang o nigamay ang lawas…. (g) Katulgon o kadukaon, magluya permi, dali kapoyon, kay wala’y ‘glucose’ sa selyula….(h) Kusog moginhawa nga usahay malipong o mawad-a’g panimuot’.
Sa lai’ng bahin sa diabetes 2, medyo pareho ra’g mga sintomas apan may kalainan, kay kini dili sakit sa ‘autoimmune’. Halos way sintomas nga hinay ni madebelop sa lawas, apan mao ra gihapon ang dugo dagha’g ‘glucose’.
Obserbahe ang iyang sintomas sa diabtes-2 nga sama niini;…(a) Subra sa kauhaw..(b) Kanunay mangihi..(c) Moniwang bisag dagha’g nakaon, kay way insulin ang selyula nga nagpundo lang sa dugo…(d) Kapoy o magluya permi…(e) Mohanap ang panan-aw…(f) Kanunay ma-impeksyon ang ‘kidney o urinary’….(g) Ang samad dugay maalim….(h) Maminhod ang kamot o ang tiil/bitiis… (I) Luya ang kaugatan, wa na’y gana sa seks, igo sa hunahuna na lang. Aron maseguro kun may diabetes ka, kanunay magpa-‘bloodsugar test’.
- Latest
