Manila Solar City

MATAMANG sinusubaybayan ng publiko ang napipintong pagtatayo ng “Solar City” sa 148-ektaryang land reclamation project sa bahagi ng Manila Bay sa pagitan ng Philippine Navy Headquarters at Manila Bay Yacht Club.

Ayon sa developer ng proyekto na Manila GoldCoast Development Corporation (MGDC), ang itatayo nilang Solar City ay isang “world-class commercial, residential and tourism center that will feature a park, a Boracay-inspired man-made beach and a terminal for international cruise ships. It is expected to bring between 2,500 to 5,000 tourists every week; create 100,000 jobs during construction and 500,000 jobs during operations; and provide P17 billion in tax revenues every year to the national government and P10 billion in real estate taxes to the Manila city government.”

Ayon naman kay Manila Mayor Erap Estrada, “…the project has already been approved by the city council before I assumed office. What would be my reason to go against it? It will provide jobs and income for the city. I want to attract investors to Manila.”

Inaasahan umano na libu-libong residente ng lungsod ang magkakaroon ng trabaho sa nasabing proyekto. Malaki rin ang potensiyal na tulong ng proyekto sa Maynila laluna’t nakabaon ito sa P3.5 bilyon na utang na iniwan ng nagdaang administrasyon.

Ilan umano sa malalaki at matagumpay na land reclamation projects sa ibang bansa ay ang: Port of Rotterdam/Maasvlakte (Netherlands); Changi airport, Singapore Flyer at Marina Bay (Singapore); Chek Lap Kok airport (Hong Kong); Brisbane at Sydney airports (Australia); Kansai airport at Tokyo Bay (Japan); New Doha International Airport (Qatar); at Palm Islands (Dubai, UAE).

Bukod dito, napakarami pang reclamation projects sa iba’t ibang bansa na pinagtayuan ng financial/economic centers, hotel/residence complex, agricultural/industrial empires at ng mismong buong mga komunidad at modern cities.

Dagdag ng MGDC, ang proyekto ay pinag-aralan nang husto ng mga eksperto laluna sa usapin ng pagtitiyak na hindi ito makaaapekto sa Manila Bay partikular sa marine bio-diversity nito at hindi rin ito magiging dahilan ng pagbabaha sa lugar.