Kanhi Filipino Citizen nga nakakuha og Decree of Absolute Divorce sa US kinahanglan pa bang mopasaka og Annulment Petition sa Pilipinas?

Kanhi Filipino Citizen nga nakakuha og Decree of Absolute Divorce sa US kinahanglan pa bang mopasaka og Annulment Petition sa Pilipinas?

Ang absolute divorce wa itugot sa atong nasud kay sukwahi kini sa atong policy ug morality. Apan adunay ubang kanhi Filipino nga nahimo nang Citizen sa America o sa ubang nasud nakigbuwag sa ilang asawa o bana pinaagi sa pagkuha og Divorce Decree. Ang sunod nga pangutana, balido ba ang maong Divorce Decree dinhi sa atong nasud? Kun aduna na silay Divorce Decree kinahanglan pa ba silang mopasaka og Annulment Petition dinhi sa Pilipinas? Kana nga pangutana ang atong tubagon karon sa atong column.

Dear Atty. Divine,

Usa ako ka kanhi Filipino Citizen nga naminyo og usa ka Filipina. Dugay nako nga nagpuyo ug nagtrabaho sa America ug nagkabuwag mi sa akong asawa dinhi sa Pilipinas. Sa dihang nahimo ko nga American Citizen mi file ko og Petition for  Divorce sa akong asawa  ug nakakuha  ko og Decree of Absolute Divorce sa Chicago, Illinois sa akong marriage sa akong Filipino wife. Ang akong pangutana Atty.  Divine, kinahanglan pa ba kong mo-file og Annulment Petition dinhi sa Pilipinas aron maputol ang akong kaminyuon dinhi? Unsa may akong buhaton aron ma record ang akong Divorce Decree sa akong Marriage Contract sa Civil Registrar ug sa National Statistics Office or NSO? Daghang Salamat. —Tony

Dear Tony,

Aduna nay daghang desisyon ang Korte Suprema kalabot sa Divorce Decree nga makuha sa usa ka kanhi Filipino Citizen didto sa America ug sa laing nasud nga diin ang issue kun balido ba kini dinhi sa Pilipinas, ug ang desisyon sa labaw’ng hukmanan nagkanayon nga kun ang kanhi Pinoy nga nakakuha og Divorce Decree American Citizen na or citizen na sa maong nasud sa dihang iyang gi-file ang Divorce, makonsiderar kini nga balido dinhi sa Pilipinas. Mao kini ang mga kaso nga naglambigit og Divorce nga gihukman sa Supreme Court nga balido dinhi sa Pilipinas:

In Van Dorn v. Romillo, Jr  we held that owing to the nationality principle embodied in Article 15 of the Civil Code, only Philippine nationals are covered by the policy against absolute divorces, the same being considered contrary to our concept of public policy and morality.  In the same case, the Court ruled that aliens may obtain divorces abroad, provided they are valid according to their national law.

Citing this landmark case, the Court held in Quita v. Court of Appeals   that once proven that respondent was no longer a Filipino citizen when he obtained the divorce from petitioner, the ruling in Van Dorn would become applicable and petitioner could “very well lose her right to inherit” from him.

In Pilapil v. Ibay-Somera we recognized the divorce obtained by the respondent in his country, the Federal Republic of Germany.  There, we stated that divorce and its legal effects may be recognized in the Philippines insofar as respondent is concerned in view of the nationality principle in our civil law on the status of persons.

Sa ato pa, tungod kay gikonsiderar nga balido ang maong Divorce Decree dinhi sa Pilipinas  kay sa dihang ila ning nakuha citizen na sila sa maong nasud, dili na sila kinahanglan nga mopasaka pa og Annulment Petition aron maputol ang ilang kaminyuon dinhi sa Pilipinas. Ang maayo nimong buhaton karon tungod kay ang Divorce Decree usa man ka foreign judgment ug dili diha-diha mapatuman ang epekto niini dinhi sa Pilipinas, moadto ka og abogado aron ka mopasaka og Petition for the Recognition of a Foreign Judgment of Divorce ngadto sa Regional Trial Court. Sa higayon nga marecognized na sa Pilipinas ang maong Divorce Decree pinaagi sa Court Order then mamahimo na nimo nang iduso sa Local Civil Registrar aron kini ma annotate sa imong marriage contract ug ang imong kanhi asawa mamahimo na sab unya nga makaminyo pag-usab (Art. 26, second paragraph of the Family Code).

Alang sa inyong pangutana ipadala lang sa Legal Corner sa Banat News or email sa [email protected]