Dako kaayong leksyon sa Pilipinas ang mga hulga sa China sa pag-ilog sa kabtangan niini sa West Philippine Sea.
Tungod kay nasayud ang China nga way tinaguang kahimanan sa gubat ang mga Filipino, gidisplay nila didto sa Spratly islands ang ilang mga sakyanan sa gubat ug mga panagatan sa tuyo nga mobahag ang ikog sa mga sundawong Filipino nga nagbantay sa mga kayutaan niini sa maong lugar ug mobiya sa dayon sa maong mga butang.
Busa panahon na tingale nga sangkapan na sa kagamhanan og kahimanan sa gubat ang mga sundawo nga nagbantay sa mga interes sa Pilipinas sa kadagatan sa West Philippine Sea.
Kun matuman ang gipalanog ni PNoy nga mamalit og barko ug eroplanong iggugubat ang kagamhanan, mas labing maayo ug masabot nga di diay bahag ang ikog ang mga Filipino batok sa China
Kay kun wala pay laraw ang kadagkoan sa nasud pagbaton og mga hinagiban nga sarang magamit sa pagpanalipod sa katungod ug interes sa Pilipinas , aw di kalikayang magmahay ang mga Filipino ngadto sa mga kadagkoan sa nasud.
Sa ka popular sa Pilipinas sa nagkalainlaing industriya ug gani kasagaran sa mga hilaw nga materyales nga gikinahanglan sa nagkalainlaing industriya sa gawas ania kuhaa dinhi, apan hangtod karon wa kini mga kahimanan sa gubat?.
Tingale kaniadto wala pa kini kinahanglana tungod kay wa naman mobalik ang mga Katsila ug mga Hapon aron dominahon ang nasud.
Apan ang gihimo sa mga Insek di baya kini angay palabyon sama sa gihimo sa Russia diin dihang misuway og lapas sa ilang teritoryo ang mga Insek, ila dayong gibirahan, busa nakatilaw ang mga Insek.
Ingon lang ka-simpli niini ang angayang buhaton sa kagamhanan sa Pilipinas nga aron mahadlok ang ubang nasud sa pagyatak sa katungod sa mga Filipino, kinahanglang testingan gyud og patay ang mga tawong abusador nga di na morespeto sa katungod sa mga Filipino. Di ba?