Nasayud na kita kun unsa ang kabililhon sa bulawan. Gani atong nahibaw-an nga adunay daghan kaayo nga namuhunan sa pagpangubkob ning maong mahalong hiyas nga bato, nga maisip nga usa sa kinamahalan.
Daghan usab nga treasure hunters ang padayon nga nanguykoy, base sa mga karaang mapa nga gituhoang didto gipanglubong sa hapon ang mga kayamanang bulawan nga gitawag og yamasita’s treasure.
Sa kadaghan usab nga nanunaw ini lakip na ang mga bilyako nga maayo kaayo momaniobra para himoong mga alahas, usahay mailad ta, kaylagi di kaayo nato natugkad ang pag-ila sa kilatis o carats sa bulawan nga maoy gibasihan sa kadaghan sa gisambog nga bulawan.
Ang tinuod nga bulawan nga 24-karat-may 99.9 pure gold, humokon og yellow gold ang kolor. Mga singsing o alahas nga butangag laing bililhong bato, kinahanglang sagulan og zinc ang bulawan para mogahi aron kataptan.
Apan mas mahal ang white gold nga sinagolan sa nickel ug palladium.
Ang 18k yellow gold- 75% pure gold. Ang 18k white gold- 25% nickel. Tanang molapas sa 20k- yellow gold kana. Sa US kalab-anan, ang 14 k- yellow gold. Ang 14k US white gold- may pagka yellow gold tan-awon,nga sinagolan sa rhodium (platinum) nga maoy nakapasinaw pag-ayo og kinagahian sa tanan.
Kasagarang class ring-12k- may 50% pure gold. Ang 10K- maoy kinaubsan- may 41.67 % pure gold.