Daw mora na lang og hilanat ang suicide karong panahona sanglit daghan man ang nakasulay niini. Ang uban naluwas samtang ang uban nadayonan. Ang nakasakit kay bisan ang mga batan-on o dili ba kaha ang mga bata ang dili naman magpanuko nga mohimo sa ingon. Sa pamasin nga kini makatabang, akong ipaambit ang pipila ka mga timailhan niadtong maghunos sa ilang kinabuhi. Ako kining gikutlo sa libro ni Jerry Johnston: The Edge of Evil: The Rise of Satanism in North America pp. 298-299.
1. Withdrawal diin ang batan-on magpalayo gikan sa mga naandang pundok.
2. Moodiness diin adunay magkausab-usab nga mood nga gipakita ang usa ka batan-on.
3. Depression diin nasinati sa usa ka batan-on ang naghinobrang kaluoy sa kaugalingon. Alang nila wala’y nakasabot sa ilang kahimtang nga tungod niini, mas maayo pa nga tapuson na lang ang tanan.
4. Drug and alcohol abuse diin ang batan-on ang sa kalit lang misulod ning matanga sa bisyo.
5. Sexual activity nga nihulagway sa batan-on nga nihatag sa iyang kaugalingon ngadto sa laing tawo alang sa kalihukang sekswal. Sa ato pa, nagwala siya sa pagtuo nga pinaagi sa lawasnong kahinam iyang matambalan ang iyang depression. Kun moabot ang panahon nga dili diay makita ang katagbawan, mas mograbe pa hinuon ang iyang tinguha nga magpakamatay.
6. Aggression diin anaa ang posibilidad nga ang usa ka batan-on mamahimong violent ug mopasakit sa kaugalingon ug sa uban. (Sumpayan)