EDITORYAL - Load nahilis bisan wa gamita

Daghan nang mga tag-iya’g selpon ang nangreklamo nga ang ilang load mangawagtang lang bisan wala nila gamita ang ilang sel.

Way nahitabo sa ilang reklamo. Nagpadayon ang pagkawa sa ilang load.

Karon usa na gyud ka senador -- si Senate President Juan Ponce Enrile -- ang mipadayag sa iyang kahibong ug reklamo nganong dinagko nga kantidad ang iyang i-load sa iyang selpon apan bisan wa niya gamita nahilis ang maong load.

Agrabiyado -- koreksiyon: Nasuko -- pag-ayo si Senador Enrile ug iya kuno kining imbestigahon.

Dapat lang, Senador. Dili tungod kay ikaw ang nabiktima kun dili nabiktima usab ang libuan ka mga tag-iya’g selpon.

Hapit na kaha makaangkon og hustisya ang mga tag-iya’g selpon nga sa dugay’ng panahon nangreklamo apan walay hustisya nga naangkon tungod kay common tao lang sila?